Otandyq ónimniń ońdy nátıjesi

Endigi jerde óńir­lerde óndiris kólemin arttyrý, ónerkásip keshenderin jandandyrý, sonymen qatar ónimderdi eksportqa shyǵarý máseleleri kún tártibinde tur. Álemniń damyǵan memleketterimen tájirıbe almasyp, úırený arqyly eńbek ónimdiligin ulǵaıtý elimiz úshin de tıimdi bolmaq. Máselen, toqy­raý jyldarynda jumysyn toq­tatyp, táýelsizdik jyldaryn­da qaı­tadan iske qosylǵan júz­de­gen kásiporynnyń bul kúnde elimizdiń damýyna qosyp otyrǵan úlesi mol.

О́tken ǵasyrdyń toqsanynshy jyldary qıyn kezeńde jabylyp qalǵan «TarazKojobýv» jaýap­kershiligi shekteýli serik­tes­tigi bul kúnde tirligin qaıta tiktegen kásiporyndar qataryn­da. Bylǵary aıaq kıim shyǵaratyn Qazaqstandaǵy jalǵyz ǵana serik­testikte búginde shıkizattan bastap daıyn ónim shyǵarýǵa deıingi úrdister qolǵa alynǵan. О́tken jyly 157 myń jup báteń­ke shyǵarǵan kásiporyn búgi­nde elimizdiń birqatar iri mekeme­leri­niń memlekettik tapsyry­sy arqyly aıaq kıim tigedi. En­digi jerde atalǵan kásiporyn jyl saıyn jumys qarqynyn art­ty­ryp, el ekonomıkasyna aıtarlyqtaı úles qosýdy kózdep otyr eken.

 – Biz óz mejemizdi jyldan jylǵa kóterip kelemiz. Bıylǵy jyly 200 myń jup aıaq kıim shy­ǵarýdy josparlap otyrmyz, – deıdi «TarazKojobýv» JShS dırektorynyń orynbasary Shamýhtar Shaıýnýsov.

Búgingi tańda elimiz úshin básekelestik mańyzdy. Qazaqstan endi ózge elderdiń óndiristegi táji­rıbesin úırenip qana qoı­maı, úıretýi de kerek. Elbasy óz Jol­daýynda da básekege qabi­let­tilikti jıi aıtyp keledi. Máse­­len, osydan biraz buryn Áýlıeata jerine Túrkııa aıaq kıim asso­sıa­sııasynyń prezıdenti Bekır Aıdın bastaǵan aıaq kıim ónerkásibiniń bir top ókilderi kelip, tájirıbe almasyp qaıtqan bolatyn. Sonymen qatar túrik aǵaıyndar atalǵan seriktestiktiń jumysyna qyzyǵýshylyq tanytyp, ónim sapasyna erekshe mán berip, bolashaqta birge jumys isteıtin nıetteriniń bar ekenin ańǵartqan edi. Eger eki tarap keleshekte birlesip jumys jasaıtyn bolsa, óńirdegi óndiris qarqynynyń arta túsetini sózsiz.

Otandyq ónimniń ońdy nátı­je­si ekonomıkalyq áleýetti art­tyra túsedi. Máselen, búgin­de ım­port­pen keletin taýar kópshi­lik­tiń talǵamyna dóp kelip tur. Baza­rǵa barsaq ta, dúken aralasaq ta I­ta­lııanyń, Túrkııanyń aıaq kıim­derin kórýge bolady. Biraq otan­dyq ónimderge tapsyrys berýshi qara­paıym turǵyndardy tabý qıyn. Bolashaqta otandyq aıaq kıim óndi­risinde budan da ilgerileýshilik baı­qa­lyp jatsa, elimiz úshin báseke­les­tik básiniń arta túsetini de belgili.

Hamıt ESAMAN,
«Egemen Qazaqstan»

Jambyl oblysy