Bas prokýrordyń orynbasary Marat Ahmetjanov «Sıfrlyq Qazaqstan» memlekettik baǵdarlamasy aıasynda elektrondyq qylmystyq is, ákimshilik óndiristerdiń biryńǵaı tizimi, tekserý obektileri men sýbektileriniń biryńǵaı tizimi, taldaý ortalyǵy, azamattardyń elektrondyq ótinimderi sekildi bes quramdas bólikten turatyn «Elektrondyq is» jobasy júzege asyrylyp jatqanyn atap ótti. Málimdelgen derekterge sáıkes, jobany iske asyrý merzimi — 2021 jyldyń jeltoqsan aıyna deıin jalǵasady.
Ishki ister mınıstri Qalmuhanbet Qasymov óz sózinde qazirgi tańda ishki ister organdarynda, sonyń ishinde jol polısııasy, kóshi-qon qyzmeti, qylmystyq-atqarý júıesi jáne jedel-krımınalıstıkalyq qyzmet salasynda 19 aqparattyq júıe bar ekenin habarlady.
«Sıfrlyq Qazaqstan» memlekettik baǵdarlamasy aıasynda IIM-niń úsh ınvestısııalyq jobasyn — «Polısııanyń ýchaskelik ınspektory», «Tergeýshi» AAJ jáne «Shaǵyn qalalardyń jedel basqarý ortalyqtaryn qurý» aqparattyq derekqoryn júzege asyrý kózdelgen.
Ádilet mınıstri Marat Beketaev «Qazposhta» AQ-men birlesip, boryshkerge memlekettik shekara jáne qalalar men oblystardyń qoǵamdyq oryndarynda kassalyq qyzmet kórsetý pýnkteri men termınaldar arqyly qaryzdaryn tóleý múmkindigin berý maqsatynda tıisti qyzmetter ázirlendi.
Máselen, 2017 jyldyń maýsym aıynda Astana, Almaty, Aqtaý, Qaraǵandy, Shymkent, Atyraý, Qyzylorda jáne О́skemen qalalarynyń áýejaılarynda «Qazposhta» termınaldary arqyly bereshekti óteý qyzmeti engizildi. Jaqyn arada Qazaqstannyń halyqaralyq qatynastaǵy barlyq áýejaılaryn jáne «Qorǵas», «Qordaı», «Jańajol», «Jibek joly» jáne t. b. sekildi iri shekaralyq ótkizý pýnktterin qamtamasyz etý josparda bar.
2017 jyly qaryzdy tóleý úshin IOS jáne Android bazasynda qosymshalar iske qosyldy. «Qazposhta» AQ qarjylyq quraldary arqyly iske qosylǵan kezeńnen bastap 649 boryshker 34,4 mln teńge somasynda qaryzdaryn tóledi.
«SentrKredıt» bankimen boryshkerlerdiń eseptik shottary týraly, olarǵa tyıym salý/alý jáne aqsha qarajattaryn esepten shyǵarý jónindegi servıs elektrondyq formatta iske qosyldy. Bıylǵy jyldyń aqpan aıynyń sońyna deıin osyǵan uqsas qyzmetter «Kaspı bank» pen «Qazaqstannyń Halyq bankinde» iske qosylady. «Qazkom», «Turǵyn úı qurylys jınaq banki» jáne «VTB» aqparattyq júıelerinde testileý rejıminde jumystar júrgizilip jatyr.
Budan ózge, ádilet mınıstri «Sot saraptama ortalyǵy» qyzmetin avtomattandyrý maqsatynda «Zerde» holdıngimen birlesip, «E-saraptama» aqparattyq júıesi ázirlenip jatqanyn aıtty. Júıeni jasaý qurylymdyq bólimsheler jáne Sot saraptama ortalyǵynyń arasynda málimet almasýdy qorǵalǵan baılanys arnalarymen júrgizýge múmkindik beredi. Júıeni iske qosý 2018 jylǵa josparlanǵan. 2018 – 2020 jyldary «E-saraptama» júıesin memlekettik organdardyń ózge de aqparattyq júıelerimen ııntegrasııalaý josparlanǵan.
Sot júıesin sıfrlandyrý týraly Joǵarǵy sot apparatynyń basshysy Nurserik Sháripov baıandady. Atalǵan málimetterge sáıkes, bıyl 1 qańtardan bastap Qylmystyq is júrgizý kodeksiniń ózgerýine baılanysty sottar isterdi elektrondyq formatta qaraýǵa kóshti. Budan ózge, 2017 jyly azamattyq ister boıynsha buıryq óndirisi, ákimshilik isterdi qabyldaý qyzmeti elektrondy túrde iske qosyldy.
«Sıfrlyq tehnologııalarǵa jappaı kóshý sybaılas jemqorlyqty azaıtyp, artyq qaǵaz túrindegi qujat aınalymynan aryltatyny sózsiz», — dedi N. Sháripov.
Sonymen qatar osy másele boıynsha aqparat pen kommýnıkasııalar mınıstri Dáýren Abaev, Astana qalasynyń ákimi Áset Isekeshev, Almaty qalasynyń ákimi Baýyrjan Baıbek sóz sóıledi.
Premer-Mınıstrdiń orynbasary Asqar Jumaǵalıev búgingi tańda quqyq qorǵaý organdarynda sıfrlandyrý boıynsha eleýli jumystar atqarylyp jatqanyn aıtty.
«Búgin atalyp ótken jobalar qylmystyq jáne ákimshilik prosesterdi jeńildetý úshin óte mańyzdy ári azamattardyń qorǵalýyn arttyrý turǵysynan ózekti», — dedi A. Jumaǵalıev.
Máseleni talqylaý qorytyndysy boıynsha QR Premer-Mınıstri Baqytjan Saǵyntaev ákimderge jaraqtandyrý máselelerin der kezinde sheshýdi tapsyrdy. Baqytjan Saǵyntaev aqparattyq júıelerdi biriktirý boıynsha jumystardy jalǵastyrý qajet ekenin aıtty.
Joǵaryda atalǵan máselelerdi úılestirý jumystary QR Premer-Mınıstriniń orynbasary Asqar Jumaǵalıevke júkteldi.
