Oblys ákiminiń baspasóz qyzmeti bergen aqparattar boıynsha top jetekshisi, aımaq basshysy Qumar Aqsaqalov Fýdjeıranyń bıleýshisi sheıh Hamad ben Muhammed Əl Sharkımen kezdesip, qos tarap túrli salada tyǵyz áriptestik baılanystar ornatýǵa ýaǵdalasqan. Onyń ishinde ónerkásip, ınnovasııalyq qyzmet, dándi daqyldar eksporty men tasymaldanýy, mal sharýashylyǵy, týrızm jobalaryn júzege asyrý jáne kóliktik-logıstıkalyq birlesken torap qurý sekildi kelisimder bar.
Teriskeılik delegasııa músheleri bıznes-forýmnyń jumysyna qatysyp, irgeli ekonomıkalyq qarym-qatynasty nyǵaıtý, aýqymdy jobalarǵa qarjy tartý, saýda-kásipkerlik palatalary, “Soltústik” áleýmettik-kásipkerlik korporasııasy men “Fujairah National Group” kompanııasy, Soltústik Qazaqstan memlekettik jáne Fýdjeıra ýnıversıtetteri aralarynda yntymaqtastyq týraly memorandýmdar qabyldandy.
Bıznes-forýmda sóz sóılegen Qumar Irgebaıuly oblysymyz ben ámirliktiń isker toptar ókilderiniń kelissózderi ózara tıimdi áriptestikke negiz qalaıtyndyǵyn atap ótti.
Fýdjeıra – Birikken Arab Ámirliginiń shyǵys bóligindegi Oman shyǵanaǵyn tolyq alyp jatqan iri ámirlik. Munda balyq, aýyl sharýashylyǵy, ónerkásip jaqsy damyǵan.
О́mir ESQALI,
«Egemen Qazaqstan»
