Qoǵamdyq pikir ne deıdi?

1. Zertteý parametrleri Keshe «InfoSystem» zertteý or­ta­lyǵy» qoǵamdyq qorynyń dı­rektory (Almaty qalasy) Saltanat Ahmedovanyń jáne «Nur Otan» HDP Parlamentarızm ınstıtýty­nyń qoǵamdyq-saıası jobalar bó­li­mi­niń meńgerýshisi Janar Boqano­va­nyń qoǵamdyq oı-pikirdi suraý qo­rytyndysy boıynsha brıfıngi ótti. Aqparatty jınaý ádisi: kez­deı­soq irikteý ádisi boıynsha telefon arqyly ekspress saýaldama Irikteme jıyntyq kólemi: 18 jastan úlken 647 adam Saýaldama geografııasy: oblystyq mańyzy bar 11 qala, Astana men Almaty qalalary Saýaldama júrgizý tili: qazaq jáne orys Bolýy múmkin olqylyq: ±5%   2. Aldaǵy saılaý týraly habardarlyq deńgeıi jáne oǵan baǵa berý Qoǵamdyq pikir saýaldamasy kórsetip otyrǵandaı, Memleket basshysynyń Qazaqstan Respýblıkasy Parlamenti Májilisiniń tórtinshi shaqyrylymyn taratý týraly sheshimi jaıly halyqtyń habardarlyq deńgeıi óte joǵary. «Memleket basshysynyń Májilisti taratý jáne kezekten tys Parlament Májilisiniń jáne máslıhat depýtattarynyń saılaýyn taǵaı­yn­daý týraly sheshimi jaıly bilesiz be?» degen su­raqqa merzimniń edáýir qysqa bolýyna qaramastan, respondentterdiń kópshiligi, ıaǵnı 68,3%-y «ıá» dep jaýap berdi. Saýaldama qorytyndysy kórsetkendeı, qazaq­standyqtardyń basym kópshiligi kezekten tys Májilis saılaýyn ótkizý týraly Prezıdenttiń sheshimin qoldaıdy – respondentterdiń 73,8%-y osy sheshimge oń baǵasyn berdi.   3. Elektoraldyq belsendilik jáne partııalyq tańdaý Zertteý qorytyndysyna sáıkes, qysqa merzimde ót­kizilýine qaramastan, aldaǵy saılaýǵa qatysýshy­lar­dyń sany óte joǵary bolady dep kútilýde. Saýaldama kórsetkendeı, 2012 jylǵy 15 qańtarda bolatyn saılaýda suralǵandardyń 61,3%-y saılaý ýchaskelerine barýǵa daıyn. Saýaldamaǵa qatysýshylardyń ishinde ádette saılaýǵa az baratyn qala turǵyndary ba­symyraq bolǵanyn esepke alsaq, bul óte joǵary kórsetkish bolyp tabylady. Salystyrý úshin, 2007 jylǵy parlamenttik saılaý kezinde bul kórsetkish 68% qurasa, al qalalyqtardyń úlesi 40%-dan tómen bolǵan edi. Sondaı-aq respondentterge: «Máslıhat depýtat­ty­ǵy­na úmitkerlerdiń qandaı partııa múshesi ekeni siz úshin mańyzdy ma? Mańyzdy bolsa, onda qandaı partııa ókiline daýys beresiz?» degen saýaldar qoıyldy. Alynǵan málimetter kórsetip otyrǵandaı, máslıhat depýtattaryn tańdaý kezinde eń basty krıterıılerdiń biri – onyń qaı partııa múshesi ekendigi bolatyny anyq­taldy (62,4%). Máslıhat saılaýynda respon­dent­terdiń basym kópshiligi, ıaǵnı 93,4%-y «Nur Otan» partııasynyń ókiline daýys berýge nıetti. Zertteý barysynda respondentter Parlamenttiń jańa quramynda oryn ıelenýge saıası partııalardyń múmkindikterin baǵalaǵan bolatyn. Saýaldama qory­tyndysy boıynsha saıası partııalardyń elektoraldyq reıtıngisi jasaldy. Berilgen jaýaptarǵa sáıkes, aldaǵy saılaýda parlamentke ótý úshin qajet elektoraldyq qoldaý deńgeıine tek qana «Nur Otan» partııasy ıe – 85,2%. Qalǵan partııalar 4%-dan tómen kórsetkishti ıelendi. Sonymen, elektoraldyq naýqannyń birinshi kúninde-aq saılaý jarysynyń shynaıy kóshbasshysy anyqtaldy – bul «Nur Otan» partııasy. Qalǵan partııalarǵa áli de óz tańdaýyn jasap úlgermegen halyqtyń daýystary úshin jarysý ǵana qaldy, olardyń úlesi 8,7%-dy quraıdy. «InfoSystem» zertteý ortalyǵy» qoǵamdyq qory qazaqstandyqtar arasynda elektoraldyq saýaldamalar júrgizýdi saılaý naýqanynyń sońyna deıin jalǵastyrmaq.