«Nur Otan» saılaýǵa daıyn

Qazaqstan Prezıdenti, «Nur Otan» HDP Tóraǵasy Nursul­tan Nazarbaev tórtinshi shaqyrylǵan Parlament Májilisin taratý jáne Májilis depýtattarynyń kezekten tys saılaýyn ta­ǵaıyndaý týraly Jarlyqqa qol qoıdy. Saılaý 2012 jyldyń 15 qańtaryna belgilendi. «Nur Otan» partııasy elimizdegi jetekshi saıası qurylym retinde aıtýly oqıǵaǵa birden nazar aýda­ryp, aldaǵy parlament jáne más­lı­hat saılaýlaryna tolyqtaı daı­yn ekendikterin málim etti. Arnaıy baspasóz máslıhatynda partııa Tóraǵasynyń birinshi oryn­basary Nurlan Nyǵmatýlın: «Osy­ǵan baılanysty, búgin bizdiń par­tııamyzda respýblıkalyq qoǵam­dyq shtab quryldy. Bul shtab qu­ramyna elimizge tanymal azamattar, belgili saıasatkerler, qoǵamdyq uıym ókilderi kirdi. Endi biz par­tııamyzdyń saılaý baǵdarlamasy boıynsha nasıhat jumystaryn júr­gizýmen qatar, senimdi ókil­der­diń mindetterine de erekshe nazar aýdaramyz. Al, bizdiń eń basty maqsatymyz – Májilis pen barlyq deńgeıdegi máslıhat saılaýynda «Nur Otan» partııasynyń úlken, ádil jáne taza jeńisin qamtamasyz etý. Sol úshin respýblıkamyzdyń bar­lyq aımaqtarynda, qala men aýdandarynda osyndaı shtabtar ashy­latyn bolady», – dep atap ótti. Shtabty partııa Tóraǵasynyń birinshi orynbasary Nurlan Nyǵ­ma­týlın basqarady. «Nur Otan» partııasy barlyǵy 16 aımaqtyq, 210 qalalyq jáne aýdandyq saı­laý­aldy shtabtaryn quratyn bola­dy. Saılaý kompanııasynyń naqty josparyn jasaý jáne zań talap­taryna saı bolýyn baqylaý ju­mys­tarymen respýblıkalyq shtab aınalysady. Baspasóz máslıhatyna qatys­qan Qazaqstan Jazýshylar odaǵy basqarmasynyń tóraǵasy, «Nur Otan» partııasynyń Almaty qala­lyq fılıaly saıası keńesiniń mú­shesi Nurlan Orazalın: «Nur Otan» partııasyn biz mádenıet pen óner salasynyń janashyry dep bilemiz. Osy salaǵa qoldaý kórsetý úshin partııamyz qyrýar jumystar atqaryp jatyr. Sondyqtan da biz, óner adamdary, Elbasymyz bas­qaryp otyrǵan «Nur Otan» par­tııasyn árqashanda qoldaýǵa ázirmiz. Aldaǵy Májilis saılaý­yn­da da osy partııa jeńiske jetedi degen senimdemiz», – dedi. Al  «Saýap» respýblıkalyq qoǵamdyq qo­ry­nyń prezıdenti, jazýshy Ba­qyt­bek Smaǵul aýǵan soǵysy arda­ger­leriniń árqashan Elbasynyń par­tııa­syn qoldaıtynyn, «Nur Otan» partııasynyń áleýmettik salaǵa kóp kóńil bólip, azamat­ta­ry­myz­dyń ál-aýqatynyń artýyn qamta­masyz etý, tatýlyq pen turaq­ty­lyqty saqtaý, eń bastysy, barsha qazaqstandyqtardyń qaýipsizdigin qamtamasyz etý úshin aýqymdy jumystar atqaryp kele jatqanyn sóz etti. Basqalar da osy turǵyda sóz saptady. Sondaı-aq, baspasóz máslıha­tyn­da Nurlan Nyǵmatýlın Elba­sy, partııa Tóraǵasy Nursultan Nazarbaevtyń 2011 jylǵy 25 qarashada Astanada partııanyń XIV sezin shaqyrý týraly qaýlyǵa qol qoıǵanyn habardar etti. Onda saı­laýaldy baǵdarlama talqylanyp, úmitkerlerdiń partııalyq tizimi bekitiletin bolady. Qoryta aıtqanda, «Nur Otan» saılaý úderisine tolyqtaı daıyn. «Egemen-aqparat».