«Keshe Mańǵystaý oblysy Aqshuqyr selosy baǵytyndaǵy Aqtaý-Aeroport tas joly mańyndaǵy jeke sharýashylyqtyń shopany Quralbek Ábdikárimov esimdi azamat jalǵyz aqqýdy taýyp alyp, úıde ustap otyrǵanyn Mańǵystaý oblystyq orman sharýashylyǵy jáne janýarlar dúnıesi aýmaqtyq ınspeksııasyna habarlady. Inspeksııa qyzmetkerleri osy mekenjaıǵa baryp, aqqýǵa barlyq kómekti kórsetti. Iаǵnı, qusty tolyqtaı tekserip, jaraqattanbaǵanyn, azdap álsiregenin anyqtady. Inspeksııa qyzmetkerleri aqqýdy Aqtaý qalasy mańyndaǵy «Qaraqııa-Qarakól» qaýmalyndaǵy Qarakól kóline jiberdi. Bul kólde qazirgi tańda 300-ge jýyq aqqý mekendeıdi. Egerde osyndaı jaǵdaıǵa tap bolsańyzdar, dereý bizge habarlasýlaryńyzdy suraımyz», deıdi Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet.
Quralbek Ábdikárimov úıiniń mańyna kelip, usha almaı júrgen aqqýdy baıqaıdy da, mańaıdaǵy ıtterden qorǵaý úshin úıine alyp barady. Shopan aqqýǵa nan berip tamaqtandyrǵan soń, quzyrly organdarǵa habarlasypty.
