Qazaqstan Respýblıkasynyń Eńbek jáne halyqty áleýmettik qorǵaý mınıstrliginiń buıryǵy №353-ó

2011 jylǵy 5 qazan,    Astana qalasy Jumyspen qamtýǵa járdemdesýdiń belsendi sharalaryn iske asyrý kezinde Qazaqstan Respýblıkasy azamattaryn óz betinshe jumyspen aınalysýshylar, jumyssyzdar jáne tabysy az adamdarǵa jatqyzý krıterıılerin aıqyndaý jónindegi qaǵıdany bekitý týraly «Halyqty jumyspen qamtý týraly» 2001 jylǵy 23 qańtardaǵy Qazaqstan Respýblıkasy Zańynyń 6-baby 2 tarmaǵynyń 9-2) tarmaqshasyna sáıkes buıyramyn: 1. Qosa berilip otyrǵan Jumyspen qamtýǵa járdemdesýdiń belsendi sharalaryn iske asyrý kezinde Qazaqstan Respýblıkasy azamattaryn óz betinshe jumyspen aınalysýshylar, jumyssyz jáne tabysy az adamdarǵa jatqyzý krıterıılerin aıqyndaý jónindegi qaǵıda bekitilsin. 2. Halyqty jumyspen qamtý departamenti (D.R. Arǵandyqov) zańnamada belgilengen tártippen osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne onyń resmı jarııalanýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Eńbek jáne halyqty áleýmettik qorǵaý vıse-mınıstri B.B. Nurymbetovke júktelsin. 4. Osy buıryq alǵash ret resmı jarııalanǵannan keıin kúntizbelik on kún ótken soń qoldanysqa engiziledi jáne 2011 jyldyń 1 shildesinen bastap týyndaǵan qatynastarǵa taratylady. Mınıstr  G. ÁBDIQALYQOVA. Qazaqstan Respýblıkasy Eńbek jáne halyqty áleýmettik qorǵaý mınıstriniń 2011 jylǵy «5» qarashadaǵy № 353-ó buıryǵymen bekitilgen Jumyspen qamtýǵa járdemdesýdiń belsendi sharalaryn iske asyrý kezinde Qazaqstan Respýblıkasy azamattaryn óz betinshe jumyspen aınalysýshylar, jumyssyzdar jáne tabysy az adamdarǵa jatqyzý krıterıılerin aıqyndaý jónindegi qaǵıda 1. Jalpy erejeler 1. Osy Jumyspen qamtýǵa járdemdesýdiń belsendi sharalaryn iske asyrý kezinde azamattardy óz betinshe jumyspen aınalysýshylar, jumyssyzdar jáne tabysy az adamdarǵa jatqyzý krıterıılerin aıqyndaý jónindegi qaǵıda (budan ári – Qaǵıda) «Halyqty jumyspen qamtý týraly» Qazaqstan Respýblıkasynyń Zańyna, Qazaqstan Respýblıkasy Úkimetiniń 2011 jylǵy 31 naýryzdaǵy № 316 qaýlysymen bekitilgen Jumyspen qamtý 2020 baǵdarlamasyna (budan ári –Baǵdarlama) sáıkes ázirlendi. 2. Osy Qaǵıda Baǵdarlamaǵa qatysatyn óz betinshe jumyspen aınalysýshylar, jumyssyzdar jáne tabysy az adamdarǵa Qazaqstan Respýblıkasy azamattaryn jatqyzý krıterıılerin aıqyndaıdy. 2. Azamattardy halyqtyń óz betinshe jumyspen aınalysýshylar qataryna jatqyzý krıterııleri 3. Zańǵa sáıkes: 1) jaldamaly qyzmetkerler eńbegin paıdalanýshy jumys berýshiler; 2) jeke paıdalanýǵa arnalǵan óndiristerdi qosa alǵanda, tabys alý úshin taýarlardy, jumystar men qyzmetterdi óndirýmen (iske asyrýmen) aınalysatyn jeke tulǵalar; 3) otbasylyq kásiporyndardyń (sharýashylyqtardyń) aqy tólenbeıtin qyzmetkerleri; 4) óndiristik kooperatıv músheleri óz betinshe jumyspen aınalysýshylarǵa jatady. 4. О́ziniń (otbasylyq) kásipornyn, fermany basqarýshy, sondaı-aq kásibı qyzmetpen nemese óz betinshe kásipkerlikpen aınalysýshy jáne únemi jaldamaly qyzmetkerler eńbegin paıdalanýshy adam jumys berýshilerge jatady. 5. Jeke paıdalanýǵa arnalǵan óndiristerdi qosa alǵanda, tabys alý úshin taýarlar men qyzmetterdi óndirýmen (iske asyrýmen) aınalysatyn adamdarǵa: 1) kásiporyndy zańdy tulǵa retinde tirkemeı, óziniń jeke kásipornynda, fermerlik sharýashylyqta, jaldamaly qyzmetkersiz nemese jaldamaly qyzmetkermen jumys isteıtin adam; 2) zańdy tulǵa qurmaı, qyzmetin tirkep te, tirkemeı de zańdy tulǵanyń biliminsiz, jaldamaly qyzmetkersiz nemese jaldamaly qyzmetkermen kásipkerlik qyzmetpen aınalysatyn adamdar; 3) úı sharýashylyǵynda aýyl sharýashylyq, orman sharýashylyǵy ónimderin óndirýmen, ótkizý úshin ań jáne balyq aýlaýmen aınalysatyn adamdar; 4) úı sharýashylyǵynda óndiristik taýarlardy óndirýmen jáne satý úshin qyzmet kórsetýmen aınalysatyn adamdar; 6. Týysynyń ıeligindegi jeke menshik otbasylyq kásiporynda aqysyz jumys isteıtin adamdar otbasylyq kásiporyndardyń (sharýashylyqtardyń) aqy tólenbeıtin qyzmetkerlerine jatady. 7. О́ndiristik kooperatıv múshelerine jeke eńbek qatysýy men onyń múliktik jarnalarynyń (paılarynyń) músheleriniń birlestigine negizdelgen, birlesken kásipkerlik qyzmeti úshin múshelik negizindegi adamdar jatady. 8. О́z betinshe jumyspen aınalysýshy retinde Baǵdarlamaǵa qatysýǵa ótinish bergen azamattardy aıqyndaý kezinde Halyqty jumyspen qamtý ortalyǵy: «Zeınetaqy tóleý jónindegi memlekettik ortalyǵy» respýblıkalyq memlekettik qazynalyq kásipornynyń derekqory boıynsha zeınetaqy jınaqtaý qorynda mindetti zeınetaqy jarnasy aýdarymdarynyń joq ekendigi nemese bar bolýy (mólsheri) týraly; «Eńbek naryǵy» avtomattandyrylǵan aqparattyq júıe derekqory boıynsha jumyssyz retinde tirkelýi (nemese tirkeýdiń bolmaýy) týraly; «Ataýly áleýmettik kómek» avtomattandyrylǵan aqparattyq júıe derekqory boıynsha ataýly áleýmettik kómekti, 18 jasqa deıingi balalarǵa arnalǵan memlekettik járdemaqyny alatyny týraly málimetterdiń bolýy nemese bolmaýy týraly; «E-sobes» avtomattandyrylǵan aqparattyq júıe derekqory boıynsha jergilikti atqarýshy organdardyń sheshimimen áleýmettik tólemderdi alý týraly málimetterdiń bolýy nemese bolmaýy jóninde maǵlumattardy salystyryp tekseredi. 3. Azamattardy jumyssyzdarǵa jatqyzý krıterııleri 9.Úsh negizgi krıterııge jaýap beretin adamdar jumyssyzdarǵa jatady. Olar: 1) jumyssyz bolǵan (tabys alatyn jumysy joq); 2) ony izdeýmen aınalysqan; 3) eńbek etýge daıyn adamdar. 10. Adamdardy jumyssyz retinde tirkeý Zańnyń 15-babyna sáıkes júzege asyrylady. 4. Azamattardy tabysy az adamdarǵa jatqyzý krıterııleri 11. Zańǵa sáıkes tabysy az adamdarǵa Qazaqstan Respýblıkasynyń zańnamasyna sáıkes ataýly áleýmettik kómek jáne/nemese 18 jasqa deıingi balalarǵa taǵaıyndalynatyn jáne tólenetin aı saıynǵy memlekettik járdemaqyny alýǵa quqyǵy bar, eńbekke jaramdy jastaǵy adamdar jatady; 12. Tabysy az adamdar (otbasy) adamnyń (otbasynyń) jalpy jıyntyq tabysyna jáne alatyn memlekettik áleýmettik tólemderiniń túrine qaraı mynadaı toptarǵa bólinedi: jıyntyq tabysy eń tómengi kúnkóris deńgeıinen (budan ári - ETKD) tómen eńbekke jaramdy adamdar; jıyntyq tabysy azyq-túlik sebetiniń shamasynan (ETKD mólsherinen 60%) tómen eńbekke jaramdy adamdar; jıyntyq tabysy kedeılik sheginen (ETKD-niń 40%) tómen eńbekke jaramdy adamdar. 13. О́tinish berýshiniń tabysy az adam retindegi mártebesin rastaý úshin Halyqty jumyspen qamtý ortalyǵy: «Zeınetaqy tóleý jónindegi memlekettik ortalyǵy» respýblıkalyq memlekettik qazynalyq kásipornynyń derekqory boıynsha zeınetaqy jınaqtaý qorynda mindetti zeınetaqy jarnasy aýdarymdarynyń joq ekendigi nemese bar bolýy (mólsheri) týraly; «Ataýly áleýmettik kómek» avtomattandyrylǵan aqparattyq júıe derekqory boıynsha ataýly áleýmettik kómekti, 18 jasqa deıingi balalarǵa arnalǵan memlekettik járdemaqyny alatyny týraly málimetterdiń bolýy nemese bolmaýy týraly; «E-sobes» avtomattandyrylǵan aqparattyq júıe derekqory boıynsha jergilikti atqarýshy organdardyń sheshimi boıynsha áleýmettik tólemderdi alý týraly málimetterdiń bolýy nemese bolmaýy jóninde maǵlumattardy salystyryp tekserýdi júzege asyrady. Buıryq Qazaqstan Respýblıkasynyń Ádilet mınıstrliginde 2011 jylǵy 7 qarashadaǵy Normatıvtik quqyqtyq kesimderdi memlekettik tirkeýdiń tizilimine №7285 bolyp engizildi.