Suranysqa ıe ónim

Almaty oblysynyń Eńbekshiqazaq aýdanyndaǵy «Faýna» túıequs fermasy» JShS basshysy Evgenıı Chaıkovskııdiń tirshiligi aıtýǵa turarlyq Uly dala samalymen kók baıraǵymyz­dyń asqaq jelbiregenine, táýelsizdik atty tátti sózdiń sanamyzǵa sińgenine 20 jyl. Osy ýaqytta Elbasynyń aıryqsha kóńil bólýi arqasynda aýyl sharýashylyǵyn reformalaý qarqyn aldy. Saladaǵy múmkin­dik­ter naqtylanyp, ónim óndirýshilerge jaǵ­daı jasaldy. Eldi mekender abattan­dy­ry­lyp, jol jóndeldi. Áleýmettik nysandar jańardy, jaqsardy. Evgenıı ótken jolyn osylaı áńgimeleıdi. Táýelsizdiktiń jemisi nátıjesinde alys-jaqynmen ekonomıkalyq baılanys orna­tyl­dy. Alys-beris, tájirıbe almasý bas­tal­dy. Belgııa, Gollandııa, Italııa memleketteri sharýagerlerimen baılanysqa shy­ǵyp, túıequs ósirý tájirıbesin zerttep-bilýim  nátıje berdi. Bólek selolyq okrýgine qarasty Áımen eldi mekeninen 2001 jyly 120 gektar jer telimin alyp «Faýna» túıe­qus fermasy» JShS-in qurdym. Kóktemde-aq, memleketten alǵan nesıege qorajaı, tur­ǵyn úı jaǵdaıymdy jasap, qustyń jem-shóbine qajetti daqyl men kókónis seýip, mol ónimge keneldik. Jaz ortasynda shetelden ákelingen 150-deı túıequs balapan­da­ryn jergilikti jaǵdaıǵa beıimdeý tájirı­be­sin bastap kettim. Qıyndyqtar kezdesti. Mine, sodan  beri 10 jyl ótti. Búginde «Faýna» tabysty óndiris kózine aınalyp otyr. Rynokta túıequstyń jumyrtqasy, bala­pa­ny, terisi men qaýyrsyny úlken suranysqa ıe. Máselen, jumyrtqasy men balapanyna Almatydaǵy meıramhanalar kóptep tapsy­rys beredi. Fermerler men sharýagerler de sa­typ áketedi. О́nerkásipte terisi men qaýyr­syny baǵaly shıkizat bolyp sanalady. Bıznestiń óz qupııasy bar. Ony saqtaý da zańdylyq. Árıne, bárin táptishtemeıin. Desek te, paıdasyna qaraı jem-shóp, kútimi, shyǵyny da kóp. Boıynyń uzyndyǵyn eseptegende 3 metrge jetetin túıequsqa kúnine túrli kókónis, asqabaq, sábizdi qosqanda 15-20 kılo azyqtyq ólshem qajet. Baptaý, aıalaýdy qus ósirýshiler Iosıf Levısskıı, Roza Sýıýnova, Qaıratbek Qýanbaev tárizdi jandar qolǵa alyp, tabysqa jetýge ózindik úlesterin qosyp otyr. Seriktestikte arpa-bıdaı, júgeri, jo­ńysh­qa, kókónis ósiriledi. Aýylsharýa­shy­lyq qural-jabdyq, traktor, júk kólikteri bar. Mine, táýelsizdik tańy ár adamnyń eńbek etý qabiletin shyńdady. Beıbit aspan astynda kezdesken qıyndyqty jeńdik. Otbasymdaǵy birlik-bereke, baq egemendik ákelgen qundylyqtar ekenin túsinemiz. Árkez ony qadir tutyp, qazaq halqynyń qonaqjaılyǵyna, dostyq peıline bas ıemiz. Kúmisjan BAIJAN, Almaty oblysy.