О́ńir basshysy óz sózinde elimizdiń erteńine balaǵan, bilimdi de aqyldy, otansúıgish jańa býyndy qalyptastyrýdy maqsat etken bilim berý salasynyń jańa baǵytta ilgeri jyljyp kele jatqanyn erekshe atap ótti. «Nazarbaev zııatkerlik mektepteriniń Elbasy Joldaýynda aıtylǵan tórtinshi ónerkásip revolıýsııasy jaǵdaıynda atqaryp jatqan jumystary asa mańyzdy. Jastar úshin bul jańa pishim zamanaýı turǵyda bilim alýǵa múmkindik beredi. Sizderdiń tájirıbelerińiz ben jumys ádisterińizdi orta jáne kásibı bilimniń barlyq salalaryna taratý kerek», dedi óńir basshysy.
Al «Nazarbaev zııatkerlik mektepteri» DBBU basqarma tóraıymy K.Shámshıdınova oqytýdyń jańa ádis-tásilderin ózge bilim mekemelerine engizýdiń mańyzdylyǵyna toqtaldy. «Bizdiń negizgi maqsatymyz – árbir naqty mekteptiń áleýetin joǵarylatý. Sondyqtan osymen úshinshi jyl qatarynan biz eń úzdik muǵalimder arasynan baǵalaý júıesi arqyly bilim berý ádistemesi men tehnologııasy boıynsha trenerlerdi daıarlaý ústindemiz», dedi K.Shámshıdınova.
– Jalpy, Qaraǵandy oblysynda 19 859 muǵalim eńbek etedi. Búginde onyń jartysyna jýyǵy (54%) jańartylǵan baǵdarlama boıynsha oqý kýrsynan ótken. «Alaıda bul muǵalimderdiń ózi jumystarynda qıyndyqqa tap bolyp otyr, – deıdi oblystyq bilim basqarmasynyń basshysy Esenǵazy Imanǵalıev. – Jańartylǵan bilim mazmuny – ol pedagogıkalyq tájirıbeniń óte kúrdeli quramdas bóligi. Sondyqtan bul memorandým bizdiń múmkindikterimizge keń óris ashady».
Elimizde alǵashqy Nazarbaev zııatkerlik mektebi osydan 10 jyl buryn paıda bolsa, Qaraǵandydaǵy bilim oshaǵy bes jyldan beri jumys istep keledi.
Búginde pándik muǵalimder úshin onlaın oqytý kýrstarynyń baǵdarlamasy ázirlengen. Qazir elimizdiń 170 myńnan astam muǵalimi osy baǵdarlama boıynsha oqyp jatyr. Al Qaraǵandy oblysynda muǵalimderdiń 54%-y atalǵan bazaǵa tirkelgen. Bıyldan bastap krıterııli baǵalaý júıesi boıynsha onlaın kýrs iske qosyldy. «Bul memorandým – muǵalimderge degen naqty ádistemelik kómek. О́ıtkeni bilim berý salasyndaǵy jańartylǵan mazmunnyń tabysty bolýy eń aldymen pedagog mamandarǵa tikeleı baılanysty», dep atap ótti K.Shámshıdınova.
Kezdesý barysynda oblys ákimi E.Qoshanov aldaǵy ýaqytta Nazarbaev zııatkerlik mektebin Jezqazǵan qalasynda da ashýdy usyndy.
Qaırat ÁBILDA,
«Egemen Qazaqstan»
QARAǴANDY
Sýretti túsirgen Dmıtrıı KÝZMIChEV
