Is-sharaǵa qatysqan Astana qalasy IID Jergilikti polısııa qyzmetiniń bastyǵy, polısııa polkovnıgi Baqytjan Malybaev búgingi kúni qalanyń kóshe-jol jelileriniń jalpy aýmaǵy 1146, 6 km. quraıtynyn jetkizdi.
«О́tken 2017 jyly polısııa qyzmetkerleri qalanyń kóshe-jol jelilerine 320 ret tekseris júrgizgen, tekseris barysynda 15 myń km jer qamtylǵan. Tekseris nátıjesi boıynsha Astana qalasy Jolaýshylar kóligi jáne avtomobıl joldary basqarmasyna, aýdan ákimdikterine jáne basqa da múddeli organdarǵa 422 uıǵarym berilgen. Jaýapty adamdardyń jumys júrgizý kezinde jol qozǵalysy qaýipsizdigin qamtamasyz etý, sondaı-aq kóshe-jol jelilerin kútip-ustaýǵa jaýapty adamdardyń talaptardy oryndamaǵandary úshin 224 laýazymdy adam jaýapqa tartyldy», dedi B.Malybaev.
Sonymen qatar brıfıngke Astana qalasy IID Jergilikti polısııa qyzmeti bastyǵynyń orynbasary, polısııa polkovnıgi Tahır Abdýrahmanov, Astana qalasy IID Ákimshilik polısııa basqarmasy Jol tehnıkalyq ınspeksııa bóliminiń erekshe tapsyrmalar jónindegi aǵa ınspektory, polısııa podpolkovnıgi Bahytjan Altybaı qatysty.
Sondaı-aq ol ótkizý qabilettiligin kóbeıtý maqsatynda 8 ýchaskede jeke bólingen oń jaqty qozǵalys jolaqtarynyń qurylysy júrgizilgendigin, qala kósheleriniń 12 ýchaskesinde «Bus Line» qoǵamdyq kólikteri úshin bólingen jolaqtar qoldanylatynyn aıtty.
«Jyldan jylǵa JJE-ni buzýdy jazyp alýdyń avtomatty júıesi keńeıýde. Qazirgi ýaqytta qalada jyldamdyq rejimin jazyp alatyn «Red Speed» stasıonarlyq jyldamdyq ólsheýishi, «Vocord» apparat kesheni, «Integra KDD» jol qozǵalysyn baqylaý júıesi sııaqty 115 júıe ornatylǵan. «Memleket-jekemenshik áriptestigi» jobasyn iske asyrý aıasynda elordada 2017 jyldyń qazanynan bastap 20 jelilik jol ýchaskesinde «Bus Line» boıynsha buzýshylyqtardy jazyp alatyn «Sergek» apparattyq-baǵdarlamalyq kesheni paıdalanýǵa engizildi. Keshen jol qozǵalysyn táýlik boıy avtomatty baqylaý múmkindigin usynady, sondaı-aq kólik quraldarynyń JJE-ni buzýyn qashyqtan jazyp alýǵa arnalǵan. «Sergek» apparattyq-baǵdarlamalyq keshenin engizý qalada jol-kólik oqıǵalary sanynyń qysqarýyna aıtarlyqtaı yqpal etti. 2017 jyldyń qorytyndysy boıynsha tómendeý 1,7 paıyzdy qurady. «Sergek» ABK iske qosylǵannan bastap 2017 jyldyń aıaǵyna deıin 242 mln teńgeden astam somaǵa 35 myńnan astam quqyq buzýshylyq óńdeldi. Ústimizdegi jyly 1580 quqyq buzýshylyq tirkelip, aıyp somasy 9 mln-nan astam teńgeni qurady», dedi ol.
Astana qalasy IID Jergilikti polısııa qyzmetiniń bastyǵy jol qozǵalysyn qadaǵalaýdy júzege asyrý kezinde jol qıylysynan ótý qaǵıdasyn buzý, apatty jaǵdaı týdyrý, qozǵalystyń qarsy jolaǵyna shyǵý, jyldamdyq rejimin arttyrý, kólik quralyn mas kúıde basqarý sııaqty apattarǵa ákelip soqtyratyn JJE-ni buzýshylyqqa erekshe kóńil bólinetinin jetkizdi.
«2017 jyly 197 myńnan astam jol qozǵalysyn buzýshylyq anyqtaldy, barlyq foto-beınetirkeý júıesi 939 mln teńgeden astam somany quraıtyn 60 myńǵa jýyq quqyq buzýshylyqty tirkegen», dedi Baqytjan Malybaev.
Raýan QAIDAR,
«Egemen Qazaqstan»
