Foto: Ashyq derekkóz
Sınoptıkterdiń málimetinshe, el aýmaǵy arqyly ótetin atmosferalyq frontaldy júıelerdiń áserinen turaqsyz aýa raıy saqtalady. Ásirese soltústik óńirlerde, sondaı-aq túngi ýaqytta batys pen soltústik-batysta keı jerlerde qatty jańbyr jaýýy múmkin. Soltústik-batys aımaqtarda jańbyr sońy qarǵa ulasýy yqtımal.
Al Qazaqstannyń shyǵysynda antısıklon jotasynyń yqpaly baıqalyp, bul óńirde jaýyn-shashynsyz aýa raıy saqtalady.
Jalpy respýblıka boıynsha birqatar qolaısyz meteoqubylystar kútiledi. Atap aıtqanda, tuman túsip, jel kúsheıedi, ońtústik óńirlerde daýyl turyp, ońtústik-shyǵysta burshaq jaýýy yqtımal.
Sonymen qatar birqatar aımaqtarda joǵary órt qaýpi saqtalady. Atap aıtqanda, Qyzylorda oblysynyń shyǵysynda, Túrkistan oblysynyń batysy men soltústiginde, Jambyl oblysynyń soltústik-batysy men batysynda, Almaty jáne Jetisý oblystarynyń jekelegen bólikterinde, Qaraǵandy oblysynyń batysy men ońtústiginde, sondaı-aq Abaı oblysynyń ońtústiginde órt qaýpi joǵary deńgeıde bolady.
Buǵan deıin sınoptıkter aldaǵy kúnderi kúnniń sýytatynyn da eskertken edi.
Eske sala keteıik, keshe elimizdiń basym bóliginde aýa raıyna baılanysty eskertý jarııalanǵan edi.
