Tehnıkalyq retteýdiń qoldanystaǵy ınfraqurylym júıesi tórt negizgi baǵyttan turady: tehnıkalyq retteý jáne standarttaý; metrologııa; akkredıtteý jáne sáıkestikti baǵalaý; memlekettik baqylaý.
Jeńis Qasymbektiń málimdeýinshe, júıeni jetildirý eki kezeńde júzege asyrylady:
1. 2018 jyly «Standarttaý týraly» jańa Zańdy jáne metrologııa men akkredıtteý salasyndaǵy jumystardy jandandyrý jáne jetildirý týraly zańnamaǵa engiziletin basqa da ózgeristerdi qabyldaý jáne iske asyrý boıynsha sharalar qabyldanady.
2. 2018–2020 jyldary sáıkestikti baǵalaý jáne memlekettik baqylaý júıesin jetildirý.
Búginde standarttaý máseleleri boıynsha bızneste kóptegen qujattardy qaǵaz túrinde usyný problemasy kezdesedi, standarttaý úderisterine qatysýdan bas tartady. Osyǵan baılanysty «Standarttaý týraly» zań jobasy ázirlendi, onyń aıasynda avtomattandyrylǵan júıeler — Standarttaý jónindegi ulttyq organ arqyly jumys isteıtin, standarttaý prosesteriniń biryńǵaı operatory anyqtalady. Jańa tásildegi basty ról standarttaý jónindegi tehnıkalyq komıtetterge — «memleket – bıznes – tutynýshy» qaǵıdaty boıynsha ulttyq standarttardy talqylaıtyn dıalogtyq alańdarǵa beriledi.
«Zańnyń qabyldanýymen standarttardy bastamalyq ázirleý boıynsha jaǵdaılar jasaý, sondaı-aq Qazaqstan aýmaǵynda sheteldik standarttardy qoldanýdy jeńildetý turǵysynan bıznes ahýal jaqsartylady», — dedi Jeńis Qasymbek.
Investısııalar jáne damý mınıstrligi metrologııa salasynda da jumystar júrgizip jatyr. «Sáıkestikti baǵalaý salasyndaǵy akkredıtteý týraly» Zańǵa ózgerister engizý akkredıtteý júıesin jetildirýge jáne atalǵan sala sýbektileriniń jaýapkershiligin arttyrýǵa baǵyttalǵan.
Zańǵa engizilgen túzetýler etalondardy tekserý men ózgerister quraldaryn kalıbrleýge kóshirýdi jáne jańa tásildi memlekettik metrologııalyq baqylaýǵa engizýdi kózdeıdi.
Synaq júrgizý kezinde paıdalanýǵa arnalǵan, Ekonomıkalyq yntymaqtastyq jáne damý uıymynyń (EYDU) GLP (Good Laboratory Practice) tıisti zerthanalyq tájirıbe prınsıpteri mańyzǵa ıe. Osylaısha 2018–2019 jyldary birlesken Jol kartasy ázirlenedi, ony júzege asyrý qorytyndysy boıynsha qazaqstandyq zerthanalardy synaý nátıjeleri EYDU elderinde tanylady.
GLP áreket etý aýqymy myna qyzmet salasyn qamtıdy:
Dárilik zattar men taǵamdyq qospalar turǵysynan Densaýlyq saqtaý mınıstrligin;
Energetıka mınıstrligin — hımııalyq zattardyń qorshaǵan ortaǵa áseriniń qaýipsizdigin baǵalaý turǵysynan;
Aýyl sharýashylyǵy mınıstrligin — azyq qospalary, veterınarııalyq preparattar jáne pestısıdter turǵysynan;
Investısııalar jáne damý mınıstrligi — ónerkásiptik hımıkattar jáne kosmetıkalyq ónimder salasynda.
Tehnıkalyq retteý júıesin jetildirýdiń ekinshi kezeńi sertıfıkattaý synaqtarynyń nátıjelerine ózara senimdi tómendetý jáne ımporttaýshylardyń «taýarlardy shartty túrde shyǵarý» kedendik rəsimi arqyly sertıfıkattaýdan ótýin boldyrmaý sııaqty túıitkildi məselelerdi sheshýge baǵyttalǵan. Búginde jumystar bastalǵan.
Mınıstrlik memlekettik baqylaý salasynda qabyldanǵan sharalardyń tıimdiligin arttyrý maqsatynda memlekettik organdardyń ókilettikterin saralaýdy usynady. Tıisti ózgerister «Atameken» UKP jáne múddeli vedomstvolarmen birlese otyryp, egjeı-tegjeıli ázirlenetin bolady.
Tehnıkalyq retteý júıesin avtomattandyrý jáne sıfrlandyrý týraly aıta otyryp, Jeńis Qasymbek qazirgi tańda Eýrazııalyq ekonomıkalyq komıssııaǵa sáıkestik týraly deklarasııalar men sertıfıkattar jóninde málimet berý jumystary júrgizilip jatqanyn atap ótti.
Qorytyndylaı kele, mınıstr «E-KTRM» biryńǵaı aqparattyq júıesin qurý boıynsha jumys júrgiziletinin atap ótti. Ol Qazaqstandaǵy jáne EAEO aıasyndaǵy barlyq úderisterdi avtomattandyrady jáne biriktiredi.
Atalǵan baǵytta júrgizilip jatqan jumystar týraly aýyl sharýashylyǵynyń birinshi vıse-mınıstri A. Evnıev, densaýlyq saqtaý mınıstri E. Birtanov baıandady, sondaı-aq «Atameken» UKP basqarma tóraǵasy A. Myrzahmetov jáne QR Premer-Mınıstriniń birinshi orynbasary A. Mamın túsinikteme berip ótti.
Tehnıkalyq retteý júıesin jetildirý jónindegi sharalardyń oryndalýyn baqylaý QR Premer-Mınıstriniń birinshi orynbasary A. Mamınge júkteldi.
