Sonaý dóńgelek datanyń túıindi tolǵamy taıaýda elordamyzdyń eńseli tórinde «Qazaqkonsert» memlekettik konserttik uıymynyń uıymdastyrýymen ótken «Qońyrqaz» atty eske alý keshinde qorytyndylandy.
Darqan daryn ıesiniń mereıli merekesine oǵan deıin asqaq Alataý tóri de at qosqan bolatyn. M.Hamzınniń ónerdegi shákirtteri J.Shákárim bastaǵan, E.Tóleýtaı, M.Ábýǵazy bar, Almatyda Qurmanǵazy atyndaǵy Qazaq ulttyq konservatorııasy, T.Júrgenov atyndaǵy Qazaq ulttyq óner akademııasy, P.Chaıkovskıı atyndaǵy Almaty mýzykalyq kolledji jáne J.Elebekov atyndaǵy respýblıkalyq estrada-sırk kolledjiniń stýdentterin qatystyryp asqaraly tulǵanyń atynda murajaı ashqan bolatyn. Maǵaýııa Hamzın qory, Halyqaralyq «Kóshpendiler Atamurasy» qoǵamdyq qory, «Keńes» ortalyǵy bas bolyp, «Adyrna» ulttyq-etnografııalyq birlestigimen seriktese atqarǵan ol ıgi shara kemeńger tulǵalardan góri keleshek jylǵalarǵa amanat ispetti aýqymdy jumys bolatyn.
Áriptesimiz Amanǵalı Qaljan birde ózi jumys isteıtin «Astana aqshamy» gazetinde «Qazaqkonsert» memlekettik konserttik uıymynyń dırektory Ashat Maemırovpen suhbat jasaǵan bolatyn. Suhbatta shertpe kúıdiń sheberi Maǵaýııa Hamzın de «Qazaqkonserttiń» quramynda óner kórsetkenin tilge tıek ete kelip, onyń osydan týra jarty ǵasyr buryn Ermek Serkebaev ekeýi Kanadanyń Monreal qalasynda ótken «EKSPO-67» kórmesine qatysqany týraly derekti alǵa tartady. Kúıshiniń talanty men taǵdyryn, ǵıbaratty ómir jolyn áńgimege arqaý ete kelip, A.Maemırov myrzaǵa Astanada Maǵaýııa Hamzındi eske alýǵa arnalǵan úlken kesh ótkizýdi usynady.
Ne kerek álgi suhbattyń suraǵy maqsatyna, Ashat myrza jaqsy atyna jetip tamasha kesh taıaýda óz dárejesinde dúrkirep ótti. Keshtiń kelisti ótýine araǵa altyn kópir bolyp júrgen Maǵaýııany qazaqqa bergen Aqtoǵaıdyń azamaty Erlan Dákenovtiń de yqpaly bar. Atalmysh óner jármeńkesine qazaq rýhanııatynyń kil qasqalary kelip, kúıshi jaıly keleli áńgimeni keńinen tolǵady. Shara tizginin ataqty kúıshi Janǵalı Júzbaı ustaǵan. Sándi sahna tórinde Muhametjan Tileýhan, Qaırolla Sədýaqasov tógiltip kúı tókkende kóńil kókjıegi kún astynda shyraılanyp sala berdi. Qazaq ádebıetiniń beldi ókilderi Tólen Ábdik, Qoıshyǵara Salǵara, Ánes Saraı, Qaırolla Sádýaqasov qatysqan keshte jas daryndar Manap Anyqbekov, Baljan Serikbolqyzy sııaqty dáýlesker kúıshiler óner jarystyrdy. Sondaı-aq Qazaq ulttyq óner ýnıversıtetiniń ustazdary ánmen árlegen keshti kórermender zor qoshemetpen qabyl aldy. Serik Ospanov, Amantaı Jumashev, Nuraı Tanabaev, Aıaýlym Qamajan Maǵaýııa shyǵarmashylyǵynyń shyńyna shýaq bop tógildi. Áserli estelikterdiń arasynda Maǵaýııa Hamzınniń inisi Dánelııa aqsaqal jaıly da aıtyldy. Ony tilge tıek etýimizdiń ózindik orny bar. О́kinishke qaraı atalmysh keshti uıymdastyrýshylardyń basynda bolǵan Dánelııa aqsaqal ony tamashalaýǵa az ǵana ýaqyt qalǵanda ómirden ozdy... Keshke D.Hamzınniń zaıyby Baqyt shesheı qatysyp, Maǵaýııa ózi qoldan shapqan dombyralardy ala keldi. Shertpe kúı sheberiniń osyndaı da óneri bolǵanyn biri bilse, biri bile bermeıtin bolar. Ol dombyralardyń formasy da ádettegi dombyralardan bólek jasalǵan. Shertpe kúıge keletin qalaq dombyralardan da qalyby erekshe. О́nertanýshy Raýshan Maldybaevanyń aıtýynsha, Maǵaýııanyń əkesi Hamza ulyna bala kúninde dəl osyndaı mýzykalyq aspapty syılaǵan eken. Sodan beri kúıshi ózge formadaǵy dombyrany onsha unata qoımaǵan.
Keshte aıtylǵandaı, kúı quty qonǵan Maǵaýııa Hamzın qos ishekti dombyrany orkestrde oınatýymen erekshelengen daryn ıesi. Ol – shertpe kúımen birge, əlemniń klassıkalyq shyǵarmalaryn úlken sahnalarda oınap, sheteldiń talǵampaz kórermenin tənti etken kúıshi.
Kókirek kózi ashyq áleýmet áýezdi áýen men kemeńger kúı qushaǵynan shyqqysy joq. Odan biz kúıshiniń ónerdegi ǵumyry uzaq ári áli de nasıxattala beretinine esh kúmán keltirmedik. Osyndaı jıyndar arqyly qazaqtyń ulttyq baı murasy urpaqtan-urpaqqa tabystala beretini sózsiz aqıqat.
Mıras ASAN,
«Egemen Qazaqstan»
