Qazirgi kezde otbasy qundylyqtaryn nyǵaıtý jáne demografııalyq saıasat máselelerin tereńdetý isiniń máni men mańyzy joǵary. Sonymen birge búgingi kúni otbasyn qurǵan jastar arasynda ajyrasý derekteriniń kóptigi de alańdatpaı qoımaıdy. Mundaı teris demorafııalyq kórinistiń aldyn alý máseleleri de qoǵamdyq jurtshylyqty oılandyrýǵa tıis. Aıtalyq, ótken jyly Aqtóbe oblysynda jeti myńǵa jýyq jup otbasyn qursa, sonyń 2600-den astamy ajyrasyp úlgergen.
"Erli-zaıyptylar ózara kelisim men ortaq túsinistikke kele almaı, eki jaqqa ketkende eń aldymen balalar jazyqsyz japa shegedi. Bul jaıt óz kezeginde otbasy problemalary men túıinderin bir júıe men izge keltirýge septigin tıgize alatyn arnaýly ortalyqtyń qajet ekenin kórsetedi. Sondyqtan da bıyl óńirde «Otbasy akademııasy» jobasy júzege asýda. Onyń qyzmetine birinshi kezekte psıholog mamandar men medıatorlardy meılinshek kóbirek tartý kózdelgen", dedi Aqtóbe oblysy ákiminiń orynbasary Erbol Nurǵalıev.
Onyń málimdeýinshe buǵan ár túrli túsinbeýshilikter men keleńsiz jaǵdaıdarǵa tap bolǵan erli-zaıyptylar ǵana emes, sonymen birge úılenýdi nemese turmys qurýdy oılastyryp júrgen bolashaq shańyraq ıeleri de tartylmaq.
Bolashaq ata-analar mektebi de atalǵan «Otbasy akademııasy» jobasy aıasynda jumys istemek.
Temir Qusaıyn
Aqtóbe oblysy
