«Qarjy pıramıdalarynyń jumysy óte jaqsy uıymdastyrylǵan. Olar neshe túrli qıturqy áreketke barady. Ulttyq banktiń saıtynda qarjy pıramıdasynyń tuzaǵyna túsip qalmaýdyń arnaıy jadynamasy kórsetilgen»,- dedi Danııar Aqyshev.
Bul jadynamaǵa sáıkes, qarjy pıramıdalarynyń birinshiden, Ulttyq bankten depozıt ashý týraly arnaıy lısenzııalary bolmaıdy.
Ekinshiden, memlekettik tirkeý týraly jarǵysy bolmaıdy.
Úshinshiden, uıymnyń qarjylyq ahýaly týraly aqparat joq.
Tórtinshiden, salynǵan qarjynyń saqtalýy týraly kepildik joq.
Besinshiden, naryq deńgeıinen tym joǵary tabys usynylady.
Altynshydan, ár tartylǵan klıent úshin bonýs berý.
Jetinshiden, tirkelgen kezde aqsha tóleý.
Segizinshiden, BAQ arqyly jarnama taratý.
Toǵyzynshydan, úlken sharalar ótkizip, qymbat syılyqtar berý.
Onynshydan, aqsha aınalymy, bıznes jumysy týraly aqparat ashyq emes.
«Azamattarǵa osy 10 kórsetkishti este ustaýǵa keńes beremiz. Aqshańyzdyń saqtalýy sizdiń qyraǵylyǵyńyzǵa baılanysty», - dedi ol.
