Sharaǵa Mádenıet jáne sport mınıstrligi Mádenıet jáne óner isteri departamentiniń dırektory Almaz Nurazhan, Qazaqstannyń eńbek sińirgen qaıratkeri, «Astana balet» teatrynyń dırektory Valerıı Kúzembaev, Ulttyq akademııalyq kitaphananyń dırektory, pedagogıka ǵylymdarynyń doktory, professor Úmithan Muńalbaeva, «Astana Opera» Memlekettik opera jáne balet teatrynyń qoǵammen baılanys jónindegi dırektorynyń orynbasary Aleksandr Sovostıanov qatysyp, aldaǵy josparlar jaıly baıandady.
«Qazaqstan Respýblıkasynyń elordasy Astana qalasynyń 20 jyldyǵyn merekeleý - bul respýblıkalyq jáne halyqaralyq aýqymdaǵy oqıǵa. Mereıtoılyq merekeni toılaý jáne daıyndaý úshin úkimettiń tıisti jospary bekitildi, ol 175 is-sharany qarastyrady, uıymdyq jáne daıyndyqty qosa alǵanda 7, áleýmettik mańyzdy, ǵylymı jáne praktıkalyq 67, mádenı jáne buqaralyq 65, sporttyq 18, aqparattyq-ımıdjdik 18. Olardyń 44-i - halyqaralyq, 91 - respýblıkalyq, 15 - óńirlik mańyzy bar sharalar. Mereıtoı merekesiniń resmı bastalýy ótken jyldyń 10 jeltoqsanynda bekitilgen bolatyn. Sondaı-aq, maýsymnan qyrkúıekke deıin Etnoýyl ulttyq mádenı kesheni óz jumysyn qaıta bastaıdy, onda «Alpamys», «Shkola trapesıı» atty teatr-sırk shoýy uıymdastyrylady. Mereıtoıǵa álemniń jetekshi shyǵarmashylyq ujymdary men uıymdarynyń qatysýymen «Astanalar sherýi» atty aýqymdy halyqaralyq jobasy ótkiziledi. Oǵan tanymal ártister men 20 eldiń belgili sportshylary (Parıj, Berlın, London, Máskeý, Sıngapýr, Pekın jáne t.b.) qatysady. Joba aıasynda álemge áıgili rejısser Tımýr Bekmambetovtyń basshylyǵymen «Astana Opera» men Dj. Pýchchını «Týrandot» Pekın ulttyq operasynyń birlesken shyǵarmalary ótedi», dep atap ótti Mádenıet jáne óner isteri departamentiniń dırektory Almaz Nurazhan.
Sonymen qatar ol Qazaqstanda tuńǵysh ret «AstanaMusical» teatry ańyzǵa aınalǵan fransýz-kanadalyq «NotreDamedeParis» mýzykalyq shyǵarmasynyń avtorlar Rıkardo Kochchante jáne Lıýkom Plamondonommen birge ótkiziletinin jetkizdi.
«Elordanyń mereıli merekesine oraı Halyqaralyq sımfonııalyq orkestrdiń, álemniń eń myqty mýzykanttary oryndaǵan, uly zamanaýı kompozıtory Karla Djenkınsanyń «ShineAstana» («Jarqyraǵan Astana») orkestriniń premerasy 10 shilde kúni bolady. Jáne EKSPO-2017-degi mádenı is-sharalardyń jalǵasy retinde, Astana qalasynda AQSh-tyń jetekshi ujymdary men horeograftarynyń qatysýymen «Eýrazııalyq bı festıvali» II Halyqaralyq balet óneri festıvali Qytaı ulttyq baleti, Nıderlandy ulttyq balet ujymdarynyń qatysýymen ótedi. Sondaı-aq álemdik jetekshi teatr ujymdary Sh. Rýstavellı (Grýzııa), Pıkkolo dı Mılano (Italııa), Shaubunne (Germanııa), Pekın ulttyq kórkemdik teatry (Qytaı), TR Warszawa (Polsha) «Astana» II Dúnıejúzilik teatr festıvaline qatysady», dedi ol.
Mádenıet jáne óner isteri departamentiniń dırektory Almaz Nurazhannyń aıtýynsha, Álemdik jáne dástúrli dinder kóshbasshylarynyń sezi aıasynda tuńǵysh ret «Astana - Beıbitshilik daýysy» halyqaralyq festıvali ótedi, onda bes qurlyqtyń jáne álemge áıgili ánshiler horlarynyń 500 qatysýshysy qatysatynyn habarlady.
«Sondaı-aq qazirgi zamanǵy etnıkalyq mýzyka men bıdiń «The Spirit of the Dance» halyqaralyq festıvalderi uıymdastyrylady, kóshpeli mádenıet «NomadWay», «AstanaAzilStarsFest» jáne «Baýyrjan Fest» ázil-syqaq janry, «Astana 2018 - Eýrazııa oqý korpýsy» festıvali, Dúnıejúzilik oqý kongresi, «Astanadaǵy 20 álemdik kitaphananyń» derekti jáne sırek kolleksııalarynyń kórmesi, Balalar jazýshylarynyń forýmy jáne t.b ótedi», dedi A.Nurazhan.
Al Ulttyq akademııalyq kitaphananyń dırektory Úmithan Muńalbaeva Astananyń 20 jyldyǵyna oraı álemniń 20 kitaphanasynyń Halyqaralyq kórmesi uıymdastyrylatynyn baıandap, oǵan sheteldik 40 qatysýshy keletinin tilge tıek etti.
«Is-sharany iske asyrý barysynda álemniń iri kitaphanalary Astana turǵyndary men qonaqtaryna arnap astanalardy kóshirýdiń álemdik hronıkasy týraly, álem elderiniń tarıhyn anyqtaýǵa úles qosqan shyǵarmalar men elimizdiń tarıhy men mádenıetine qatysy bar jazba muralar týraly mol maǵlumat beretin sırek basylymdar men fotokolleksııalardan quralatyn derekti kórmeler uıymdastyrady», dedi ol.
Raýan QAIDAR,
«Egemen Qazaqstan».
