Qorǵanys mınıstrliginiń «Ońtústik» óńirlik qolbasshylyǵy bazasynda kóshpeli otyrys ótti

Altynshy saılanǵan Par­lament Májilisiniń ókilet­tik­terin iske asyrýdyń úshinshi ses­sııaǵa arnalǵan negizgi is-shara­lar josparyna sáıkes uıym­­das­tyrylǵan osy sharaǵa Májilis depýtattary, Qorǵa­nys mınıstrliginiń, UQK She­­kara qyzmetiniń, Ulttyq ulan qol­basshylyq quramynyń ókil­deri qatysty. 

Beıindi komıtet tóraǵasy Muhtar Erman kóshpeli otyrysty asha kele, Qazaqstan Respýb­lı­ka­sy táýelsizdik al­ǵan kezden beri Memleket bas­shysy, Joǵarǵy Bas Qolbas­shy Nursultan Ábishuly Nazarbaevtyń qamqorlyǵy ar­qa­synda zamanaýı, tıimdiligi joǵary, utqyr Qarýly Kúshter qurý boıynsha orasan zor jumys atqarylǵanyn atap ótti.  Qorǵanys salasyndaǵy strategııalyq qu­jat bolyp tabylatyn Qazaq­stan Respýblıkasynyń Áskerı dok­trınasy bekitildi. О́z keze­ginde el Parlamenti de bul ju­mys­tan shet qalyp otyrǵan joq. Eldiń qor­ǵanys qabiletin arttyrýǵa jáne áskerı qyzmetshiler men olar­dyń otbasy músheleriniń áleý­mettik jaǵdaıyn jaqsartýǵa ba­ǵyt­talǵan birqatar mańyzdy zań­namalyq aktiler qabyldandy. 
Osy jumys sapary barysynda Májilis depýtattary Qor­ǵanys mınıstrligi, Ulttyq ulan jáne UQK Shekara qyzmeti ás­kerı bólimderiniń jaýyngerlik ázirlik máselelerin zerdeledi.

Atalǵan áskerı bólimderde depýtattar qarý-jaraq qura­myn­daǵy tehnıkany qarap shyǵyp, mehanıkalandyrylǵan brıga­danyń áskerı qyzmetshilerin daıyndaý jónindegi trenajerlik keshenniń múmkindikterimen tanysty. 

Parlamentshilerge zamanaýı qarý-jaraq, áskerı tehnıka men múlik úlgileri, bólimshelerdiń ja­ýyngerlik ázirligi kórsetildi.

Osy shara barysynda M­á­jilis depýtattary Qorǵanys mı­nıstrligi taýly-egerlik bólim­shesiniń ornalasqan jerin baryp kórip, Uly Otan soǵysynyń dańqty batyry Baýyrjan Mo­mysh­ulynyń eskertkishine gúl qoıdy.

Hamıt ESAMAN,
«Egemen Qazaqstan»