Tımýr Shaımergenov 1982 jyly Jambyl oblysynda dúnıege kelgen. 2004 jyly Almatydaǵy Halyqaralyq mamandyqtar ınstıtýtyn támamdady, 2009 jyly QR Prezıdenti janyndaǵy Qazaqstan strategııalyq zertteýler ınstıtýtynda saıası ǵylymdar kandıdatynyń ǵylymı dárejesin alý úshin dıssertasııa qorǵady.
2009-2017 jyldary Garvard, Oksford, Kembrıdj, Pensılvanııa, Kolýmbııa ýnıversıtetterinde jetekshi quramǵa arnalǵan oqý baǵdarlamasynan ótti.
Halyqaralyq qatynastar jáne qaýipsizdik, strategııalyq menedjment jáne táýekelderdi basqarý salasynda maman biliktiligine ıe. Qazaq, orys, aǵylshyn tilderin meńgergen.
Eńbek jolyn 2004 jyly Ál-Farabı atyndaǵy Qazaq ulttyq ýnıversıtetinde bastaǵan, QR Prezıdenti janyndaǵy Qazaqstan strategııalyq zertteýler ınstıtýtynda, QR Parlamenti Májilisi jáne QR Qaýipsizdik Keńesi apparattarynda túrli qyzmetter atqarǵan. QR Syrtqy ister mınıstrligi janyndaǵy Qoǵamdyq keńestiń múshesi.
QR Qorǵanys jáne aeroǵarysh ónerkásibi mınıstrligine qyzmetke taǵaıyndalmas buryn QR Prezıdenti Ákimshiligi júıesinde jumys istegen. «Qazaqstan halqy Assambleıasyna 25 jyl», «QR Konstıtýsııasyna 20 jyl», «QR Dıplomatııalyq qyzmetine 25 jyl», «QR Ulttyq qaýipsizdik komıtetine 25 jyl» medaldarymen marapattalǵan.
