Aǵymdaǵy jyldyń naýryz aıynyń úshinshi juldyzynda Úrjar aýdanynyń Abaı atyndaǵy orta mektebiniń shańǵy jolynda jerlesimiz, shańǵydan Qazaqstan Respýblıkasynyń Ulttyq qurama komandasynyń múshesi, Sochı Olımpıadasyna qatysýshy, Olımpıada týyn ustaǵan, sport sheberi, Azııa oıyndaryna qatysýshy, QR-nyń birneshe dúrkin chempıony, halyqaralyq dárejedegi sport sheberi Ahmadıev Erdos Jeksenulynyń qurmetine shańǵydan aýdandyq chempıonat ótkizildi. Bul bastamany ataqty shańǵyshynyń ózi kótergen.
Bul jarys dástúrli túrde ekinshi jyl qatarynan ótýde. Jarysqa 12 komanda qatysyp, 110-ge jýyq bala qamtyldy. Jarystyń baǵdarlamasy boıynsha uldar – 5 shaqyrym, qyzdar – 3 shaqyrymda baǵyn synady. Ashylý saltanatynda Qazaqstan Respýblıkasynyń memlekettik Ánurany oryndalyp, dene shynyqtyrý jáne sport bóliminiń basshysy Sársenhan Qabdoldanov sóz alyp, úlken sporttyń janashyry, aýdan ákimi Serik Zaınýldınnyń atynan sportshylarǵa sáttilik tiledi. Bas tóreshi S.Altynbekov jarystyń ótý tártibimen tanystyryp ótti.
Jarys jeńimpazdaryna Erdos Jeksenulynyń arnaıy daıynǵan baǵaly syılyqtary, medaldary men maqtaý qaǵazdary tabys etildi. Jáne de Erdos baýyrymyz barlyq sportshylarǵa óziniń jolyn bersin, ózi jetpegen jetistikterge jetsin dep,- batasyn berdi.
Ońdasyn Elýbaı.
Shyǵys Qazaqstan oblysy.
Úrjar aýdany.
Sýrette: Erdos jerlesterimen.
