Oblystyq jastar saıasaty máseleleri jónindegi basqarma basshysy Rollan Quspannyń aıtýynsha, dúısenbi, 12 naýryz kúni Shyǵys Qazaqstan oblysynda sý tasqynynan zardap shekkenderge gýmanıtarlyq kómek jınaý úshin jastar resýrstyq ortalyǵy bazasynda shtab ashylǵan.
– Bul bastamany barlyq jastar uıymdary qyzý qoldady, - deıdi Rollan Quspan. – Gýmanıtarlyq kómek 19 naýryzǵa deıin jınalady. Sodan keıin Shyǵys Qazaqstan oblysyna jóneltemiz. Bizdiń eriktilerimiz de sý tasqyny bolǵan jerlerge baryp, qoldarynan keletin kómekterin kórsetýge nıetti.
Sondaı-aq, Atyraý oblysy ákimi apparaty men basqarmalar sý tasqynynan zardap shekkenderge qarjylaı kómek jınap jatyr. Memlekettik qyzmetshilerdiń bir kúndik eńbekaqylary arnaıy esepshot ashylǵannan keıin sý tasqynynan zardap shekkenderdiń esepshottaryna aýdarylady.
