EQAR — 2005 jyldan bastap sapa kepildiginiń ashyqtyǵyn arttyrý jáne eýropalyq elder aýmaǵynda jumys isteıtin agenttikter týraly aqparat berý arqyly eýropalyq joǵary bilim berý keńistigin odan ári damytýdy qamtamasyz etetin negizgi uıym. 2017 jylǵy 20 maýsymda Akkredıtteý jáne reıtıngtiń táýelsiz agenttigi Tirkeý komıtetiniń sheshimimen Bilim berý sapasyn qamtamasyz etýdiń eýropalyq tizilimine engizildi. EQAR-ǵa qosylý — akkredıtteý organdarynyń eń úlken jetistigi jáne olardy moıyndaý belgisi deýge bolady. Búginde Eýropalyq sapa kepildiginiń tizilimine 22 eldiń 44 agenttigi kiredi.
Qazaqstan Bolon prosesine qatysatyn álemniń 48 eliniń ishinde 23-el boldy. ARTA tanylǵan agenttik mártebesin alýy onyń joǵary halyqaralyq standarttarǵa sáıkes kelýiniń dáleli ári senim kýáligi bolyp tabylady.
ARTA jáne EQAR halyqaralyq semınary Qazaq ulttyq horeografııa akademııasy negizinde uıymdastyryldy.
EQAR prezıdenti Karl Dittrich, Nıderlandy joǵary bilim berý ınspektoratynyń dırektory Hendrik Michael (Erik) Martijnse, ARTA dırektory Alına Baqytjanqyzy Jumaǵulova jáne ARTA saraptama keńesiniń tóraıymy Marına Aleksandrovna Skıba semınardyń basty spıkerleri bolady.
Halyqaralyq semınardyń negizgi maqsaty — QR JOO-laryn syrtqy baǵalaý boıynsha kásibı qaýymdastyqty qalyptastyrý jáne Bolon prosesiniń sońǵy úrdisterin túsindirý úshin ARTA sarapshylarynyń biliktiligin arttyrý.
Semınarda kelesi máseleler qarastyrylady:
Bolon prosesin damytýdyń mańyzdylyǵy men ilgerileýi;
Bilim sapasyn qamtamasyz etýdegi EQAR róli;
Saıasat jáne ýnıversıtetter: problemalar men sapany qamtamasyz etý joldary;
Syrtqy sapa kepildigi boıynsha esepti qalyptastyrýdyń tásilderi;
Bilim berýdi baǵalaý jáne esepterdi daıarlaý sapasy;
Akkredıtteý jumystaryn júrgizýdegi sarapshylardyń róli;
Atalǵan halyqaralyq semınar saraptaý qaýymdastyǵyna bilim berý baǵdarlamalaryn joǵary deńgeıde baǵalaýǵa jáne táýelsiz halyqaralyq akkredıtteý úrdisinde ózderiniń kásibı daǵdylaryn qoldanýǵa múmkindik beredi. Halyqaralyq semınardyń sońynda sarapshylarǵa biliktilikti arttyrǵandary týraly sertıfıkattar beriledi.
