Atap aıtqanda, Jańaózen qalalyq turǵyn-úı komıssııasynyń músheleri - qalalyq turǵyn-úı kommýnaldyq sharýashylyǵy jáne turǵyn úı ınspeksııasy bóliminiń basshysy N.Mýstafaevqa, qalalyq ekonomıka jáne qarjy bóliminiń basshysy R.Djantleýovaǵa jáne Mańǵystaý oblysynyń jastar saıasaty máseleleri basqarmasy basshysynyń orynbasary M.Hajgereevke qatysty tártiptik ister.
Sonyń ishinde, kórsetiletin qyzmetti alýshy turǵyn úıin jekeshelendirý máselesi boıynsha jumysshy organy men turǵyn úı komıssııasy tarapynan 2 aı boıy qyzmet alýshyny áýre-sarsańǵa salyp, onyń zańdy múddesin buzyp, tek onyń birneshe ret shaǵymdanýynan keıin ǵana tıisti sheshim qabyldaý arqyly zańbuzýshylyqqa jol bergeni úshin Jańaózen qalalyq turǵyn-úı komıssııasynyń múshesi – Jańaózen qalalyq ekonomıka jáne qarjy bóliminiń basshysy R.Djantleýovaǵa Ádep kodeksiniń talabyna sáıkes «eskertý» túrinde tártiptik jaza qoldaný usynyldy. Al, Jańaózen qalalyq turǵyn úı kommýnaldyq sharýashylyǵy jáne turǵyn-úı ınspeksııasy bóliminiń basshysy N.Mýstafaevtyń óz erkimen memlekettik qyzmetten bosatylýyna baılanysty oǵan qatysty tártiptik is qysqartyldy.
Kelesi tártiptik is Mańǵystaý oblysynyń jastar saıasaty máseleleri basqarmasy basshysynyń orynbasary M.Hajgereevke qatysty boldy.
Keńes músheleri tekserý qujattaryn talqylaı kele, M.Hajgereevtiń Astana qalasynda is-saparda bolǵan kezinde Ádep kodeksi talaptaryn tıisti deńgeıde saqtamaǵany úshin «eskertý» túrinde tártiptik shara qoldaný jóninde sheshim qabyldady.
Budan basqa, Mańǵystaý oblysyndaǵy jergilikti atqarýshy organdarda 2017 jyly kórsetilgen memlekettik qyzmetterdiń jaı-kúıi týraly Mańǵystaý oblysy ákimi apparatynyń basshysy A.Rzahanovtyń, Aqtaý qalasy ákimi apparatynyń, Ádep jónindegi ýákili G.Qalmuratovanyń jáne Mańǵystaý oblysy boıynsha Qoǵamdyq densaýlyq saqtaý departamentinde memlekettik qyzmet, sybaılas jemqorlyqqa qarsy is-qımyl zańnamalarynyń jáne ádep kodeksi talaptarynyń oryndalysy boıynsha Departament basshysy B.Ýtesınovtyń esepteri tyńdaldy.
Ádep jónindegi keńes músheleri májiliske qatysqan mekeme basshylarynyń esepterin nazarǵa ala otyryp, qyzmet barysynda memlekettik qyzmet, sybaılas jemqorlyqqa qarsy is-qımyl, memlekettik kórsetiletin qyzmetter týraly zańnamalarynyń jáne Ádep kodeksi talaptaryn basshylyqqa alý boıynsha birqatar tıisti jumystar men atqarylatyn sharalar jóninde usynystar qabyldady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
