Keńes barysynda salany damytýdyń negizgi baǵyttary, iri qara maldyń sanyn kóbeıtý jáne joǵary sapaly sıyr etin óndirý, sonyń ishinde eksportqa shyǵarý, sondaı-aq mal sharýashylyǵy fermalaryn qalyptastyrý máseleleri talqylandy. Budan ózge, fermerlik sharýashylyqtardy qarjylandyrý tetikteri, nesıeleý múmkindikterin keńeıtý jáne salaǵa strategııalyq ınvestorlardy tartý máselesi qarastyryldy.
Keńeske qazaqstandyq ǵalymdar, halyqaralyq sarapshylar, mal sharýashylyǵy salasynyń ókilderi, «Atameken» UKP ókilderi, sondaı-aq selektor rejıminde oblystardyń ákimderi qatysty. QR Premer-Mınıstriniń orynbasary — aýyl sharýashylyǵy mınıstri О́. Shókeev, «Atameken» UKP tóraǵasy A. Myrzahmetov, QR-daǵy Azııa banki ókildiginiń dırektory D. Kapannellı, «Cedar Meats Avstralııa» bas menedjeri E. L. Fernıhof, Aqmola oblysy Ereımentaý aýdanynyń ákimi E. Nuǵmanov, «Qarshyǵa» ShQ (Aqtóbe oblysy) basshysy A. Jetenov jáne t. b. baıandama jasady.
