Dóńgelek ústeldi ótkizýdiń basty maqsaty saılaý jáne referendým kezinde Qazaqstan Respýblıkasyndaǵy múgedek sanatyndaǵy azamattardyń saılaý quqyqtarynyń júzege asyrylýyn qamtamasyz etý máselelerin, sondaı-aq saılaý quqyqtaryn júzege asyrýdyń jańa múmkindikteri men tájirıbelerin qarastyrý bolyp tabylady.
Qazaqstan Respýblıkasy Ortalyq saılaý komıssııasynyń tóraǵasy B. Imashev Qazaqstan Respýblıkasy Kosntıtýsııasy boıynsha árbir azamatqa saılaý jáne saılaný quqyǵyna kepildik beriletinin atap ótti. Saılaý organdary múmkindikteri shekteýli azamattardyń saılaý prosessterine tolyqqandy qatysýlaryn qamtamasyz etýi tıis.
Sonymen qatar, B.Imashev Ortalyq saılaý komıssııasymen múmkindikteri shekteýli azamattardyń quqytarynyń saqtalý standartyna sáıkes saılaý quqyqtaryn júzege asyrýy úshin arnaıy jaǵdaılar jasaý maqsatymen qyzǵýshylyq tanytqan memlekettik jáne memlekettik emes uıymdarǵa metodıkalyq, úılestirýshi kómek kórsetýge is-sharalar jıyntyǵynyń júzege asyrylatynyn aıtty.
Is-sharada sondaı-aq EQYU Astanadaǵy baǵdarlamalar ofısi basshysy D. Sabo, QR Ortsaılaýkom múshesi L.Súleımen, QR eńbek jáne halyqty áleýmettik qorǵaý vıse-mınıstri S.Jaqypova, QR Parlamenti Májilisiniń depýtaty, «Qazaqstan múgedekter konfederasııasy» RQB prezıdenti J.Omarbekova. EQYU/DIAQB-nyń saılaý máseleleri boıynsha sarapshysy P.Kabachenko, «Múgedek áıelderdiń «Shyraq» assosııasııasy» QB-niń tóraıymy L.Qaltaeva sóz sóıledi.
Dóńgelek ústel barysynda múgedekterdiń saılaý quqyqtaryn júzege asyrýdaǵy jańa múmkindikteri, onyń ishinde saılaý ýchaskelerin jáne ǵımarattaryn jabdyqtaý kezinde múmkindikteri shekteýli azamattardyń quqyqtary saqtalýy boıynsha standarttarǵa sáıkes kedergisiz jaǵdaıdyń jasalý sharalary talqylandy.
Sondaı-aq, dóńgelek ústel jumysyna QR OSK músheleri, QR Parlamenti Májilisiniń depýtattary, eńbek jáne halyqty áleýmettik qorǵaý, ádilet mınıstrliginiń, ortalyq jáne jergilikti atqarýshy organdardyń, oblystyq, Astana jáne Almaty qalalarynyń aýmaqtyq saılaý komısssııalarynyń, QR Adam quqyqtary jónindegi ulttyq ortalyqtyń, halyqaralyq uıymdardyń, QR-daǵy dıplomatııalyq mıssııalardyń, múgedekter qoǵamdyq birlestikteriniń ókilderi qatysty.
