Qazylar alqasynyń sheshimimen onlaın júıesindegi ashyq daýys berý barysynda Shyǵys Qazaqstan oblysynyń arýy, semeılik Dıana Baıjumanova sulýlyq konkýrsynyń jeńimpazy atandy. Dıana Qazaqstan Respýblıkasy ulttyq ulany «Shyǵys» óńirlik qolbasshylyǵynyń 5511 áskerı bóliminde tabysty eńbek etýde. Semeı qalasynda týǵan. Ulttyq ulan sapynda 2017 jyldan bastap, qarjy qyzmetiniń bas mamany retinde jumys istep keledi. Aıta ketý kerek, semeılik arý osy bólimde taban aýdarmaı 15 jyl qyzmet etken óz anasynyń izimen júrýdi qup kórip, áskerı qyzmetti tańdapty.
Orta mektepti támamdaǵannan keıin Dıana Semeı qalasyndaǵy qarjy-ekonomıkalyq kolledjin «Esep jáne aýdıt» mamandyǵy boıynsha bitiredi. Sodan keıin jas maman retinde, elime eńbek etsem degen naqty maqsatty ustanady. Armııa qatarynda júrip, Dıana Qazaq ınnovasııalyq ýnıversıtetinde negizgi mamandyǵy boıynsha joǵary bilimdi syrttaı alyp shyǵypty.
– Áskerı qyzmetti jaqsy kóremin, – dedi Dıana Baıjumanova, – adamdy tártip pen jınaqylyqqa úıretip, Otanǵa degen súıispenshilikti arttyrady.
Sapqa turýdyń, qarý-jaraq ustaýdyń barlyq qyr-syryn meńgergen. Ol munyń bárin aldyńǵylardyń qatarynda oryndaıdy.
Raýshan NUǴMANBEK,
jýrnalıst
SEMEI
