Kezdesý barysynda Gúlshara Ábdiqalyqova elimizdegi dıplomatııalyq mıssııasyn aıaqtaǵaly otyrǵan Italııanyń Tótenshe jáne ókiletti elshisi S.Ravanıanǵa Qazaqstandaǵy jemisti qyzmeti úshin alǵys aıtyp, tilektestik bildirdi.
G.Ábdiqalyqova S.Ravanıannyń dıplomatııalyq mıssııasy kezinde Mılandaǵy «EKSPO-2015» kórmesine qatysý úshin Qazaqstan Prezıdentiniń Italııaǵa sapary uıymdastyrylǵanyn atap ótti.
Memlekettik hatshy Qazaqstan men Italııa arasyndaǵy ózara senimdi qarym-qatynastyń 25 jyl ishinde strategııalyq seriktestik deńgeıine kóterilgenine toqtaldy.
– Biz Italııadaǵy parlament saılaýynyń barysyn zor qyzyǵýshylyqpen baqylap otyrdyq. Saılaý nátıjesinde elderińizde Parlament pen Úkimettiń jańa quramy jasaqtalatyn bolady, – dedi Memlekettik hatshy.
Gúlshara Ábdiqalyqova Italııany Eýropadaǵy qaýipsizdik jáne yntymaqtastyq uıymyndaǵy qazirgi tóraǵalyǵymen jáne 2017 jyly BUU Qaýipsizdik Keńesindegi turaqty emes músheliginiń tabysty bolýymen quttyqtady.
Memlekettik hatshy Italııa basshylyǵyna «EKSPO-2017» kórmesine qatysqany úshin rızashylyq bildirip, osy eldiń pavılonynda «jasyl tehnologııa» salasyndaǵy úzdik ázirlemeler usynylǵanyn aıtty.
Sondaı-aq, kezdesý barysynda taraptar Qazaqstan-Italııa qarym-qatynasynyń qazirgi jaǵdaıyn, saıası, ekonomıkalyq jáne mádenı-gýmanıtarlyq yntymaqtastyqtyń perspektıvalaryn talqylady.
***
Italııa Qazaqstan Respýblıkasynyń álemdegi saýda seriktesi sanalatyn elderdiń ishinde úshinshi orynda tur. Eki el arasyndaǵy taýar aınalymy 2017 jyly 9,6 mıllıard AQSh dollaryn qurady. 2005-2017 jyldar aralyǵynda Qazaqstan ekonomıkasyna Italııadan kelgen tikeleı ınvestısııanyń kólemi 5,8 mıllıard dollarǵa jetti. Búginde elimizde ıtalııalyqtardyń qatysýmen 228 birlesken kásiporyn jumys isteıdi.
