Shahar basshysy jergilikti atqarýshy bılik bıznes júrgizýdi tıimdi etý arqyly Atyraýda aımaqtyń ınvestısııalyq tartymdylyǵylyǵyn arttyrýǵa barlyq jaǵdaı jasap otyrǵanyn aıtty.
– Memleket basshysynyń tapsyrmasyna sáıkes oblys basshylyǵy jergilikti atqarýshy organdar aldyna ınvestısııa tartý, kásipkerlik sýbektilerin kóbeıtýge qatysty naqty mindetter qoıyp otyr, – dedi Serik Shapkenov. – Osy baǵytta qol jetkizgen tabystarymyz da bar, jyl sanap kóptegen iri kompanııalar Atyraýǵa qyzyǵýshylyq tanytyp keledi, olar aımaqtyń ınvestısııalyq tartymdylyǵyn basa aıtady.
Shapkenovtyń aıtýynsha, 2017 jyly Atyraý qalasynda 20 kóp qabatty turǵyn úı, 1020 páter salynǵan. 2018 jyly osy kórsetkishti 38 úı, 3678 páterge jetkizý josparlanyp otyr.
– Jeke salýshylardyń úılerine aıryqsha kóńil bólinedi, olar salǵan páterler "Nurly jer", "7-20-25" ıpotekalyq nesıeleý baǵdarlamasy boıynsha beriledi, dedi qala ákimi. – Salýshylar qatarynda BI Group kompanııalar toby da bar, Astana, Almaty qalalarynan keıin Atyraýda fılıal ashyp, qurylyspen aınalysýda. Kompanııa temir-beton buıymdary zaýytyn salyp, aımaqtyń áleýmettik-ekonomıkalyq damýyna oń yqpal etpek.
