The Economic Times
Ortalyq Azııa memleketteriniń basshylary kóp jyldan soń Astanada bas qosyp, konsýltatıvtik kezdesý ótkizdi. Bul ıdeıany 2017 jyldyń 10-11 qarashasynda ótken «Ortalyq Azııa: ortaq tarıh pen ortaq bolashaq, turaqty damý men ózara yntymaqqa negizdelgen kelisim» atty halyqaralyq konferensııada О́zbekstan Prezıdenti Shavkat Mırzııoev aıtqan edi. О́zbekstan Prezıdentiniń aıtýynsha, Ortalyq Azııa elderiniń birligi óńirdiń turaqty damýynyń basty kepili bola alady.
Byltyrdan bastap Tashkent óńirdegi kórshilerimen qarym-qatynasty nyǵaıtý sharalaryna erekshe nazar aýdarýda. Al jaqynda ótken Ortalyq Azııa basshylarynyń kezdesýi óńirdegi memleketter arasynda saýda-sattyq, ınvestısııa sekildi ekonomıkalyq baılanystardyń artatynyn kórsetse kerek. Bul óz kezeginde jalpy Ortalyq Azııa óńirimen tyǵyz qarym-qatynasqa umtylǵan memleketterge de jaqsy múmkindikter ashpaq.
The Diplomat
Astanada Ortalyq Azııanyń 4 memleketiniń basshylary men bir memlekettiń Medjlıs tóraǵasy kezdesip, óńirdegi máselelerdi talqylady. Ortalyq Azııa memleketteri basshylarynyń on jyldyń ishindegi alǵashqy sammıtiniń erekshe mańyzy bar. Glazgo ýnıversıtetiniń Ortalyq Azııa týraly zertteýler júrgizetin oqytýshysy Lýka Ancheschıdiń aıtýynsha, bul óńirdiń ornalasýynyń ózi saıası mańyzǵa ıe.
Kezdesý týraly ıdeıany О́zbekstan Prezıdenti Shavkat Mırzııoev aıtyp, Qazaqstan Prezıdenti Nursultan Nazarbaev ol oıdy júzege asyrdy. Qazaqstan men О́zbekstan óńirdegi eń iri ekonomıkalyq memleket ekenin aıta ketý kerek. Kezdesýge, sondaı-aq Tájikstan, Qyrǵyzstan prezıdentteri men Túrikmenstannyń parlament spıkeri qatysty.
Lýka Ancheschı jaqynda The Diplomat jýrnalyna maqala jarııalaǵan bolatyn. Onda Nursultan Nazarbaevtyń halyqaralyq strategııalyq baılanysty tıimdi jolǵa qoıǵany, BUU Qaýipsizdik Keńesinde tóraǵalyq etkeni aıtylǵan. Maqalada ol Ortalyq Azııadaǵy basqa memleketter Astananyń syrtqy saıasatynan úlgi alýy kerektigine de toqtalǵan. Al Qazaqstan uıymdastyrǵan Ortalyq Azııa basshylarynyń kezdesýi óńirdegi baılanysty nyǵaıtyp, jańa lep beretinine senim mol.
The Times of Central Asia
Qazaqstan astanasynda Ortalyq Azııa basshylary 2009 jyldan keıin alǵash ret kezdesip, ózara baılanysty damytý máselelerin talqylady. Astanadaǵy kezdesýge Qazaqstan, О́zbekstan, Tájikstan, Qyrǵyzstan prezıdentteri men Túrikmenstan Medjlıs tóraǵasy qatysty. О́ńirlik sammıt Ortalyq Azııa memleketteriniń arasyndaǵy senimdi seriktestiktiń nyǵaıa túsetinin kórsetedi.
Qazaqstan Prezıdenti Nursultan Nazarbaev kezdesýdi dostyq baılanystyń jańa belesi dep atady. Kezdesý barysynda Ortalyq Azııa memleketteriniń basshylary ortaq sý resýrstaryn tıimdi paıdalaný, ózara saýda sekildi salalarda ádil kelisim jasaý týraly sheshimge keldi. Sonymen qatar Nursultan Nazarbaev jyl saıyn Ortalyq Azııa elderine ortaq mereke – Naýryz qarsańynda kezdesip otyrý týraly usynys aıtyp, ol biraýyzdan qoldaý tapty.
Radio Free Europe
Qyrǵyzstan Prezıdenti Sooronbaı Jeeenbekovpen kezdesý barysynda Nursultan Nazarbaev Ortalyq Azııadaǵy bes memleket óńirdegi barlyq problemalardy sheshýge qaýqarly ekenin aıtty. Sonymen qatar Qazaqstan Prezıdenti О́zbekstan basshysy Shavkat Mırzııoevpen de jeke kezdesý ótkizdi. Byltyr Ortalyq Azııa basshylarynyń kezdesýi týraly ıdeıany aıtqan Shavkat Mırzııoev bolsa osy kezdesýdi uıymdastyrǵan Nursultan Nazarbaevqa rızashylyq bildirip, Qazaqstannyń ortaq mádenıet, ortaq tarıhy bar elderdiń arasyndaǵy ekonomıkalyq baılanysty nyǵaıtýǵa umtylyp otyratynyn atap ótti. Al Nursultan Nazarbaev ózara saýda baılanysynan buryn óńirlik qaýipsizdikke basa nazar aýdarý kerektigin aıtty.
Ortalyq Azııa basshylarynyń kelesi kezdesýi Tashkentte ótedi. Buǵan deıin óńirdegi memleket basshylary 2009 jyly Almatyda kezdesip, Aral máselesin talqylaǵan edi. Al ótken aptadaǵy kezdesýde negizgi máselelerdiń biri ortaq sý resýrstaryna qatysty boldy. «Bizdiń memleketter paıdalanatyn ortaq sý resýrstary bar. Mysaly Ámýdarııa men Syrdarııa mańynda jalpy alǵanda 70 mıllıon adam turady. Biz kezdesý barysynda bul máseleniń saıası kelissózderge aparmaıtynyna kelistik. Biz sý problemasyn gıdro-
elektrenergııa stansalaryn salý sekildi máselemen qatar qarastyrýymyz kerek», dedi N.Nazarbaev. Onyń aıtýynsha, prezıdentter basqa memleketterden alynatyn taýar ımportyn tómendetip, Ortalyq Azııa memleketteri arasynda ózderinde óndiriletin taýardyń ózara saý-
dasyn arttyrý týraly kelisimge kelgen.
Daıyndaǵan
Gúlnur QÝANYShBEKQYZY,
«Egemen Qazaqstan»
