«Qala turǵyndary men qonaqtaryna eki kúnnen beri tegin doner taratylyp jatyr» degendi estip Muratbaev pen Gogol kóshesiniń qıylysyndaǵy shaǵyn dámhanaǵa bas suqtyq. Barsaq, aıtqandaı-aq tegin taǵamnan dám tatsaq dep kelgenderdiń sanynda esep joq. Uzyn-sonar kezek. Kúni keshe ǵana ashylǵan «Dıadıa Doner» tamaqtaný ortalyǵynyń qyzmetkerleriniń aıtýlarynsha, bul shara eń aldymen Naýryz merekesiniń qurmetine, sondaı-aq ortalyqtyń ashylýyna oraı uıymdastyrylyp otyrǵan kórinedi. Birer kúnniń ishinde eki myńǵa tarta turǵyn til úıiretin túrik taǵamymen tegin tamaqtanǵan. Kelýshilerdiń basym bóligi stýdent jastar.
«Taǵamnyń dámi erekshe. Osymen ekinshi márte kelip tegin tamaqtandym. Naǵyz mereke ekeni seziledi. Osyndaı sharalar jıi uıymdastyrylyp tursa, ásirese, biz sııaqty stýdentterge úlken olja bolar edi», deıdi Eýrazııa tehnologııalyq kolledjiniń stýdenti Ashat Úsenov.
Ortalyqtyń basshysy jas kásipker Albert Ernazarov: «Babalarymyzdan kele jatqan Ulystyń Uly kúni – Naýryz merekesinde almatylyqtarǵa tosyn syı jasaýdy uıǵardym. О́ıtkeni Naýryz barlyq bereke men molshylyqtyń bastaýy. Naýqan úsh kún boıy jalǵaspaq. Kelem deýshi kez kelgen janǵa esigimiz ashyq. Basty maqsatymyz halyqtyń rızashylyǵyn alyp, tól merekemizdi áspetteý» deıdi.
Búgingi tańda bir ǵana Almatynyń ózinde bes myńnan astam tamaqtaný ortalyǵy bar. Olardyń birazy Albert sııaqty kásipkerlerden úlgi alsa qaıyrymdylyq sharalary keńge qanat jaıyp, Naýryz meıramynyń dańqy odan beter aspandaı túsetin edi...
Arman OKTIаBR,
«Egemen Qazaqstan»
ALMATY
