Aımaqtar • 27 Naýryz, 2018

Batys Qazaqstan oblysynyń tórt aýdanynda máslıhat depýtaty saılandy

224 ret

kórsetildi

1 mın

oqý úshin

Batys Qazaqstan oblysynyń tórt aýdanynda shyǵyp qalǵan aýdandyq máslıhat depýtattarynyń ornyna saılaý ótti. Bul týraly búgin óńirlik kommýnıkasııalar qyzmetinde ótken brıfıngte oblystyq saılaý komıssııasy tóraǵasynyń orynbasary Vıacheslav Inochkın málim etti.

Egemen Qazaqstan

Batys Qazaqstan oblysynyń tórt aýdanynda máslıhat depýtaty saılandy

Saılaý nátıjesinde Jánibek aýdandyq máslıhatyna (№10 Borsy saılaý okrýgi) Qýanalıev Birjan Qaıyrǵalıuly, Zelenov aýdandyq máslıhatyna (№11 Makarov saılaý okrýgi) Tólepqalıev Tilekbaı Qajymuratuly, Kaztalov aýdandyq máslıhatyna (№13 Qarasý saılaý okrýgi) Bekmoldın Erbolat Muratqalıuly, Shyńǵyrlaý aýdandyq máslıhatyna (№6 Qyzylkól saılaý okrýgi) Qamzaeva Aqmaral Sırajqyzy depýtat bolyp tanyldy. Jalpy saılaý barysynda úmitkerler sany 12 bolǵan, olardyń 4-ýin saıası partııalar usynsa, 8-i ózin-ózi usynǵandar eken.

- Barlyq deńgeıdegi saılaý komıssııalarynyń jumysy bekitilgen kúntizbelik josparǵa saı júrgizildi, - dep atap ótti Vıacheslav Inochkın.

V.Inochkınniń aıtýyna qaraǵanda daýys berýge saılaýshylardyń 90,30%-y qatysqan. Saılanǵan 4 depýtattyń orta jasy - 47. Saılaý komıssııalaryna aryz-shaǵym túspegen.

Qazbek QUTTYMURATULY,
«Egemen Qazaqstan»

Oral