Al Prezıdent Nursultan Nazarbaevtyń bes áleýmettik bastamasy páterge qol jetkize almaı júrgen qazaqstandyqtar úshin tosynsyı ispettes boldy. Elbasy jarııalaǵan ıpotekalyq nesıeleýdiń jańa júıesi tıimdi sharttar arqyly baspanaly bolýǵa múmkindik beredi. Prezıdenttiń bastamasymen nesıeniń paıyzdyq ústemesi 7 paıyzdan asyrylmaı, qaıtarý merzimi 25 jyl bolyp belgilendi.
Meniń oıymsha, bul – Qazaqstannyń ıpotekalyq júıesiniń jańarýy jáne baspanaǵa zárý jandarǵa berilgen úlken múmkindik. Onyń ústine bes bastamany júzege asyrý barysynda qosymsha jumys oryndary ashylyp, ekonomıkanyń ósimi qarqyn alyp, halyqtyń kirisi arta túsedi.
Memleket basshysy Úkimetke, depýtattarǵa, Ulttyq bankke bastamalardy júzege asyrý tetikterin búge-shigesine deıin oılastyrýdy tapsyryp, baqylaý mindetin «Nur Otan» partııasy alýy kerektigin aıtty. Demek, nurotandyqtarǵa úlken mindet júktelse, al bizge zor jaýapkershilik artyldy.
Saıyn QÝANYShEV,
Atyraý oblystyq máslıhatynyń depýtaty
