Bes bastama qazaqstan­dyq­­tardyń bolashaqqa degen úmit­terin arttyrady - Gúldana Esmýrzına

Birinshi bastama – ár otba­sy­nyń baspanaǵa qoljetim­diligin qamtamasyz etý. Atap kórsetkende «7 – 20 – 25» baǵ­darlamasy bul sizdiń ómirińizdi jeńildetetin sıqyrly sandar. Naqtyraq aıtsaq, osy ýaqytqa deıin bankter úı alýǵa nesıeni 18-30 paıyzben, aldyn ala 50 paıyzyn tóletip, 20 jylǵa deıin beretin bolsa, endi Elbasy nesıe paıyzyn 7 paıyzǵa deıin, aldyn ala tólemdi 20 paıyzǵa deıin azaıtyp, nesıeni óteý merzimin 25 jylǵa deıin uzartatynyn aıt­ty. Úısiz-kúısiz júrgen biraz adam úıli bolatynyna senim bar. Osyǵan óz basym óte qýa­nyshtymyn.

Ekinshi bastama – tómen jalaqy alatyn ju­mys­shylardyń salyq júkte­mesin on esege azaıtyp, 1 paıyz­ǵa túsirý. Bul bastama 2019 jyl­dyń 1 qańtarynan bastap iske asady. Az ǵana jalaqy­men otbasyn asyrap júrgen adam­dardyń jaǵdaıy azdap bolsyn túzelmek.

Úshinshi bastama – joǵary bilimge qoljetimdilikti artty­rý jáne onyń sapasyn kóte­rý. 2018-2019 jyldary ár jyl­ǵa qosymsha 20 myń grant bóli­netinin aıtty. Jylda jaz­da bastalatyn «granttyń jy­ry» báseńsıtin boldy. Kol­ledjder men ýnıversıtetterge 2022 jylǵa deıin keminde 75 myń oryndyq jataqhana salý júkteldi. Bul jastardyń alańsyz bilim alýyna zor kómek.

Tórtinshi bastama – shaǵyn já­ne orta bızneske dem berip, jańadan bıznes bastaǵandarǵa qol­daý kórsetý úshin jeńil­de­tilgen shaǵyn nesıe kólemin arttyrý.

Bul áleýmettik bas­tama shynynda da óz isin ashamyn, kásip jasaımyn degender úshin úlken múmkindik. Iаǵ­nı, myńdaǵan adam jeke isin dóńgelete alady. Ásirese aýyl-aımaqtarǵa, aýyldaǵy kásip­kerlikke óte qajet. 2018 jyly jeńildetilgen shaǵyn nesıe kólemin arttyrý úshin qosym­sha 20 mıllıard teńge bólinedi.

Besinshi bastama – Qazaq­stannyń ortalyq jáne soltústik aımaqtaryna gaz tartý halyqtyń turmys jaǵdaıyn jaq­sartý, ekologııany saqtaý, halyq densaýlyǵyn saqtaý men qorǵaýdyń bir joly dep bilemin. Qazaqstan halqyna arnaǵan árbir Joldaýynda ótkendi sa­ralap, bolashaqqa baǵdar ja­saı otyryp, Úkimet aldyna jańa mindetter júkteıtin E­l­ba­sy­myz N.Á.Nazarbaevtyń bas­ta­ma­lary budan da bıik, budan da asqaraly murattar­ǵa jete­leıtindigine, qazaqstan­dyq­­tardyń bolashaqqa degen úmit­terin arttyra túsetindigine senim mol. 

Gúldana ESMÝRZINA, 
Kókshetaý qalasy tilderdi oqytý ortalyǵynyń dırektory

Aqmola oblysy