Kezdesý barysynda N.Nyǵmatýlın Qazaqstan-Polsha qarym-qatynastarynyń nyǵaıyp, onyń damýyna qýatty serpin bergen Qazaqstan Prezıdenti Nursultan Nazarbaev pen Polsha Prezıdenti Andjeı Dýdadyń ózara saparlary ekenin atap ótti.
Májilis Tóraǵasynyń pikirinshe Qazaqstan men Eýropalyq Odaq arasyndaǵy keńeıtilgen áriptestik jáne yntymaqtastyq týraly Kelisimniń sheńberinde jáne bizdiń eldiń Eýrazııalyq ekonomıkalyq odaqqa qatysýy ekijaqty yntymaqtastyqtyń zor múmkindikterin ashýda. Sondaı-aq, N.Nyǵmatýlın Ortalyq Azııa men Qytaı naryǵyna qol jetkizýdi qamtamasyz etý úshin Astana aımaqtaǵy Varshavanyń negizgi seriktesi bolyp tabylatynyn aıtty.
О́z kezeginde Selım Hazbıevıch Qazaqstan men Polsha arasyndaǵy saıası, dıplomatııalyq jáne ekonomıkalyq qatynastardyń deńgeıine joǵary baǵa berdi. Taraptar basty baǵyttardyń arasynda kólik salasy, kómirdi óńdeý men aýany lastamaıtyn «taza tehnologııalar» jáne bilim berý salasyna toqtaldy. Kezdesý barysynda N.Nyǵmatýlın men S. Hazbıevıch halyqaralyq kún tártibindegi ózekti máselelerdi talqylady.
Májilis Tóraǵasy dıplomatty 2018-2019 jyldarǵa arnalǵan BUU QK turaqty emes múshesi retinde Polsha jumysynyń bastalýymen quttyqtap, Qazaqstan men Polshanyń prezıdentteri atap ótken Qaýipsizdik Keńesiniń birlesken jumysynyń aıasynda yntymaqtastyq týraly ustanymdardyń uqsastyǵyn atap ótti. Ásirese, beıbitshilik pen qaýipsizdikti nyǵaıtý, halyqaralyq lańkestik pen zorlyq-zombylyqqa qarsy kúres máselelerine nazar aýdardy. Osyǵan baılanysty, BUU alańynda ortaq múddelerdi ilgeriletýdegi yntymaqtastyqty nyǵaıtý nıetin rastady.
Eki el arasyndaǵy jan-jaqty yntymaqtastyqty damytýǵa Nurlan Nyǵmatýlın men Selım Hazbıevıch ortaq múddeni ilgeriletýde parlamentaralyq belsendi dıalogty nyǵaıtýǵa yqpal etetinine senim bildirdi. Kezdesý barysynda Májilis Tóraǵasy dıplomatqa osy jyldaǵy Polsha eli úshin erekshe kúnder bolyp sanalatyn Polsha táýelsizdiginiń 100 jyldyǵy jáne Eýropadaǵy eski qos palataly parlamenttiń biri – Jalpy seımnyń alǵashqy otyrysynyń 550 jyldyǵyn atap ótti.
