Tebirenisti telekópirdi kitaphanashy Janar Sovetqyzy júrgizip otyrdy. Shara barysynda Muhtar Áýezov atyndaǵy pedagogıkalyq kolledj stýdentteri aqynǵa arnaǵan júrekjardy óleńderin oqyp, danalyq pen jaýapkershilikke, adaldyq pen meıirimdilikke úndeıtin Shákárim shyǵarmalarynan ár adam sýsyndap ósýi kerek degen oılaryn ortaǵa saldy. Pavlodar qalasynyń Ortalyqtandyrylǵan kitaphana júıesiniń qyzmetkerlerimen birlese ótkizilgen aýqymdy shara kópshiliktiń kóńilinen shyqty.
– Shákárim óziniń shyǵarmalaryn uly Abaı úlgisin ólshem ete otyryp jazǵan. Ǵulamanyń shyǵarmalary búgingi tańda qazaq qaýymynyń, adamzat balasynyń rýhanı qajettiligin óteýge qyzmet etip jatyr. Bizdiń murajaı uly tulǵalarymyzdyń qara shańyraǵy bolyp tabylatyndyqtan Shákárimge degen qurmet, qazaq halqynyń rýhyna, ultjandylyǵyna degen qurmet dep bilemiz, – dedi telekópir barysynda Abaı qoryq murajaıy-
nyń ǵylymı hatshysy Shynar Sadyqova.
Raýshan Nuǵmanbek,
jýrnalıst
SEMEI
