Parlament depýtattary eńbek ujymdarymen júzdesýlerde Memleket basshysynyń bes áleýmettik bastamasynyń mańyzyn jan-jaqty túsindirdi. Senator A. Beısenbaev turǵyn úı satyp alýdaǵy jańa múmkindikter, joǵary oqý oryndary, eńbekaqyny kóterý, qarjylandyrý kólemin ulǵaıtý jáne Astanany gazben qamtamasyz etýdiń keleshegi jónindegi tapsyrmalar týraly egjeı-tegjeıli baıandady.
Sharaǵa qatysýshylar «7-20-25» baǵdarlamasyn iske asyrý tetikteri, shaǵyn nesıeni jeńildikpen alý men tehnıkalyq mamandyqtarǵa bilim berý grnattaryn bólýdiń sharttary týraly máselelerdi kóterdi.
Depýtattardyń Quqyqtyq aqparat ortalyǵyndaǵy kezdesýinde mektep túlekteriniń kórshiles elderge bilim alýǵa ketýi týraly saýaldar qoıyldy. Senatorlar mektep túlekteriniń elde qalýynyń stategııalyq mańyzy bar ekeni, sondyqtan memleket joǵary oqý oryndarynda oqý úshin qosymsha granttar bólip otyrǵany týraly pikirin bildirdi. Depýtat E. Mamytbekov bıýdjet salasynyń qyzmetkerleriniń eńbekaqylaryn keleshekte kóterý jáne astanadaǵy turmystyq qatty qaldyqtardy joıý máseleleri týraly óz oılaryn ortaǵa saldy.
