Depýtatpen kezdesýde mindetti medısınalyq saqtandyrý júıesiniń erekshelikteri, densaýlyq saqtaý salasynyń bıýdjeti, sıfrlandyrý jáne keleshektigi biryńǵaı josparlar aıasynda aýrýhanalardy biriktirý, jedel járdem jumysynyń jańa júıesi, tegin dári-dármek, aımaqqa jas mamandar men tájirıbeli dárigerlerdi tartý, emdeý mekemelerin adam densaýlyǵyn zerdeleıtin tehnıkamen jabdyqtaý máseleleri sóz boldy. Odan basqa, jedel járdem dárigerleriniń qaýipsizdigi men qyzmetkerlerdi qatelikterden saqtandyrý týraly da aıtyldy. Senator zań erejelerin jetildirý aıasynda pikirlesýge jáne kezdesýde aıtylǵan mańyzdy máselelerdi sheshýge kómektesýge ázir ekenin atap ótti.
Júzdesýde dárigerler memlekettiń áleýmettik jaýapkershiligin ulǵaıtý jáne barsha qazaqstandyqtardyń ál-aýqatyn kóterý jónindegi ıgilikti sharalardyń qabyldanýyna baılanysty el Prezıdentine alǵys aıtty.
