2012 jyly kásipker О́temis Jumaǵalıev "Bıznestiń jol kartasy-2020" memlekettik baǵdarlamasy aıasynda jylyjaı qurylysyna 14 paıyzdyq mólsherlememen sýbsıdııalaý túrindegi qoldaýǵa ıe bolǵan. Baǵdarlama aıasynda memleket sýbsıdııanyń 7 paıyzyn tóleıdi. Bıyl kóktemde 2 gektar jylyjaıdan 30 tonnaǵa jýyq kókónis jınaldy. Oǵan qosa sharýalar tyńaıtqyshtar satyp alýǵa sýbsıdııa alady. Qazir kásipkerdiń jylyjaıynyń alańy eki gektar, onda 30 adam jumys isteıdi. 2014 jyldan beri munda 200 tonna qyzanaq, 100 tonna qııar, 3 tonna tátti bolshar buryshy óndirildi.
2017 jyly Atyraý oblysynda "Bıznestiń jol kartasy-2020" baǵdarlamasy boıynsha 1 543,5 mln teńge bólindi. 312 joba qarjylandyrylyp, 1210 jumys orny quryldy.
Atalǵan baǵdarlama boıynsha taǵy bir tabysty joba ashyldy. 711 myń teńge kóleminde qaıtarymsyz nesıe alǵan kásipker Mahambet aýdany Almaly aýylynan otbasylyq dárigerlik ambýlatorııa ashty. Bir jyldan beri halyqqa qyzmet kórsetip keledi. "Start up-Akademııa" jobasy aıasynda "Damý" qorynyń Atyraý oblysyndaǵy bólimshesi Raıhan Haırýllınaǵa bıznes joba jasap, baıqaýda qorǵaýǵa kómektesti. Sonyń nátıjesinde kásipker isin damytýǵa aımaqtaǵy kásipkerlerden 150 myń teńge qoldaý alǵan.
- Balalardy da, úlkenderdi de qabyldaımyn. Kúnine úsh-tórt adam keledi. Maqsatym emdik massajdy barynsha tıimdi etý. Mysaly, massaj qalada 4000 teńge bolsa, mende 1000, 1500 teńge. Alǵa qaraı keńeıtip, jer alyp, úlken ǵımarat salǵym keledi. Memlekettiń qoldaýy bar jerde bul oıymnyń júzege asaryna senemin,-deıdi Raıhan Haırýllına.
Aıta ketý kerek, memlekettik baǵdarlamalarmen birge Atyraý oblysynda kásipkerlikti qoldaýdyń óńirlik baǵdarlamasy da bar. Mysaly 2017 jyly "Bıznes Aımaq" baǵdarlamasy boıynsha jergilikti bıýdjetten 350 mln teńge bólindi. Sol arqyly 67 bıznes joba júzege asyp, 123 jumys orny quryldy. "Altyn keme" baǵdarlamasy boıynsha 304 mln teńgeniń 13 jobasy maquldanyp, 25 jumys orny ashyldy.
Jergilikti atqarýshy organdar tarapynan shaǵyn jáne orta bıznesti damytýǵa, ekonomıkany dıversıfıkasııalaýǵa barlyq jaǵdaı jasalyp jatyr. Aımaq kásipkerlerimen kezdesýde oblys ákimi Nurlan Noǵaev memleket basshysynyń tapsyrmalaryn oryndaý aıasynda Atyraý oblysynda memlekettik organdar bıznes klımatty jaqsartýǵa jumystanyp jatqanyn aıtty. Bul rette shaǵyn nesıeleý arqyly kásipkerlikti qoldaýdyń memlekettik, óńirlik baǵdarlamalary qoldanysqa ıe.
