Jylyna 7 myń tonna qus etin óndiretin «Jaıyq et» kásiporny 2003 jyly burynǵy Oral et kombınaty bazasynda ashylǵan bolatyn. Hantmann, LasKalo, Pek Mont sekildi belgili eýropalyq brendterdiń qural-jabdyǵy ornatylǵan kásiporynda et pen shujyqtyń júzden astam túri, qalbyr ónimderi shyǵarylady.
- Aýyl sharýashylyǵy salasy memleket pen barlyq qarjy ınstıtýttary tarapynan jan-jaqty qoldaýdy qajet etedi. Memleket pen Úkimet aýyl sharýashylyǵyn damytýǵa baǵyttalǵan keshendi sharalardy atqaryp jatyr. Byltyr aýyl sharýashylyǵyn damytýdyń jańa baǵdarlamasy qabyldandy. Sol kómektiń arqasynda elimizde óndiris oryndary kóptep ashylýda. Elbasy shıkizat óndirýmen shektelip qalmaı, tereń óńdeý ónerkásibin damytýdyń mańyzdylyǵyn únemi aıtyp keledi. Osy oraıda «Jaıyq et» kásiporny sııaqty zamanaýı tehnologııamen jabdyqtalǵan óndiris oryndaryn damytyp, aınalasyna shaǵyn jáne orta sharýa qojalyqtaryn biriktirýi tıis, - deıdi Májilis depýtaty Saparhan Omarov.
Qazbek QUTTYMURATULY
«Egemen Qazaqstan»
Batys Qazaqstan
Sýretti túsirgen Temirbolat TOQMÁMBETOV
