«Buǵattaý - bul quqyqqa qarsy kontenttiń taratylýymen kúres júrgizýde memlekettiń eń sońǵy (aqyrǵy) sharasy ekenin túsiný kerek. Alaıda, bul tek messendjerdiń ákimshiligi bizdiń eskertýimizdi elemegen jaǵdaıda ǵana iske asyrylady. Sonymen qatar, dál qazirdiń ózinde Telegram ákimshiliginiń tarapy bizdiń talaptarǵa túsinistikpen qaraıtynyn kórip otyrmyz. Jekelegen paraqshalar joıylyp jatyr. Sondyqtan, messendjerdi buǵattaý týraly BAQ-taǵy shýly aqparattar shyndyqtan alystaý», - dedi Dáýren Abaev.
Buǵan deıin Dáýren Abaev Telegram messendjeri kanaldary «Qazaqstannyń demokratııalyq tańdaýy» qoǵamdyq qozǵalysynyń tyıym salynǵan materıaldaryn óshirý týraly sot ókimin oryndamasa, Qazaqstan bıligi memleket terrıtorııasynda atalǵan messendjerdi buǵattaıtynyn aıtqan bolatyn.
Astana qalasy Esil aýdandyq soty naýryz aıynda QDT tirkelmegen qoǵamdyq qozǵalysyn ekstremıstik dep tanyp, onyń memleket aýmaǵynda jumysyn jalǵastyrýyna tyıym saldy. Atalǵan uıymǵa burynǵy bankır jáne sheneýnik Muhtar Áblıazov tóraǵalyq etedi.
Mınıstr Telegram mesendjeriniń mekenjaıyna resmı habarlama jiberilgenin aıtty. Atalǵan habarlamada jiberýshi tarap Qazaqstan terrıtorııasynda QDT materıaldaryn kórsetýge tyıym salý jáne olardy joıýǵa qatysty sharalar qoldanýdy suraǵan.
«Búgingi tańda jibergen eskertý qaǵazymyzdy Telegram ákimshiligi qarastyryp jatyr. Sondaı-aq, sot sheshimi oryndalmaǵan jaǵdaıda Qazaqstan Respýblıkasynyń qazirgi zańnamasyna sáıkes mınıstrlik messendjerdi el terrıtorııasynda tolyqtaı buǵattaýǵa májbúr bolady», — dedi Abaev.
Eske sala ketsek, budan buryn Pavlodar qalasynyń turǵyny óziniń kelisiminsiz Telegram jelisindegi Qazaqstanda ekstremıstik uıym dep tanylǵan Qazaqstannyń demokratııalyq tańdaýy tobyna qosylyp ketkeni týraly mınıstrliktiń blogyna shaǵym bildirgen bolatyn. «Meniń oıymsha, ekstremıstik uıymnyń basshysy Qazaqstan Respýblıkasynyń azamattaryn jappaı qylmystyq jaýapkershilikke tartqysy keletin sekildi. Budan keıin «Telegram» messendjeriniń ákimshiligi meniń kelisimimsiz ár túrli tyıym salynǵan toptarǵa engizip jibermeıtindeı nemese atalǵan topty buǵattaıtyndaı shara qabyldaý máselesin qarastyrsa deımiz», - dep jazdy pavlodarlyq turǵyn.
