Taraptar saıası, ekonomıkalyq jáne mádenı-gýmanıtarlyq yntymaqtastyqtyń ahýalyn jáne perspektıvalaryn talqylady, ártúrli saladaǵy sharttyq-quqyqtyq bazany keńeıtý qajettiligin atap ótti. О́zekti halyqaralyq problemalar boıynsha pikir almasty.
Kelissózder barysynda ekijaqty jáne kópjaqty formattaǵy yntymaqtastyqty ulǵaıtý joldary qarastyryldy. Áńgimelesýshiler eki eldiń sıfrlandyrý, jańǵyrtylatyn energetıka, eýrazııalyq kontınenttegi kólik-logıstıkalyq baılanystardy damytý salalarynda kooperasııa perspektıvalaryn biraýyzdan belgiledi.
Saýda-ekonomıkalyq ózara is-qımyldy jandandyrý maqsatynda ekonomıkalyq, saýda jáne tehnıkalyq yntymaqtastyq týraly úkimetaralyq kelisimdi jasasý boıynsha jumysty tezdetý jónindegi ýaǵdalastyqqa qol jetkizildi.
Sonymen qatar ustanymdardy úılestirý jáne qazirgi zamannyń ózekti problemalaryn sheshý úshin halyqaralyq jáne óńirlik uıymdar sheńberinde ózara is-qımyl, sondaı-aq syrtqy saıası bastamalaryn ózara qoldaý máseleleri sóz boldy. Portýgalııa SIM Bas dırektory BUU qaýipsizdik Keńesiniń sheńberinde Qazaqstannyń syrtqy saıası bastamalaryn qoldady. Lıssabonnyń elimizge halyqaralyq arenada qoldaý kórsetý daıyndyǵyn bildirdi.
Kezdesý barysynda eýropalyq tarap qoǵamdyq ómirdiń ártúrli saladaǵy zańnamalardy jetildirýge baǵyttalǵan Qazaqstandaǵy ınstıtýttyq reformalardy iske asyrý barysy týraly aqparattandyryldy.
Portýgal tarapy «Astana» halyqaralyq qarjy ortalyǵy, IT startaptar halyqaralyq tehnoparki, sondaı-aq «Jasyl» tehnologııalardy jáne ınnovasııalyq jobalardy damytý boıynsha halyqaralyq ortalyǵy EKSPO-2017 bazasynda jobalardy iske asyrýǵa yntymaqtastyqqa shaqyryldy.
Portýgalııa – Qazaqstannyń Eýropadaǵy mańyzdy saıası jáne ekonomıkalyq áriptestikterdiń biri. 2017 jyl boıynsha ekijaqty taýar aınalymy 2016 jylmen salystyrǵanda 65%-ǵa artyp, 614,4 mln dollarǵa jetken. Portýgal ınvestısııalarynyń Qazaqstan ekonomıkasyna salǵan kólemi 250 mln dollardy quraıdy.
Qazaqstanda «Saraiva Associados» (arhıtektýralyq jobalaý), «SIBS» (banktik qosymshalardy ázirleý), «RC Europa Stands» (kórme stendilerin jasaý) sııaqty jáne basqa portýgalııalyq kásiporyndar tabysty jumys isteýde.
Aıta keteıik, P.Pereıro bastaǵan portýgalııalyq delegasııa Astanaǵa Syrtqy ister mınıstriniń orynbasary Roman Vasılenkonyń tóraǵalyǵymen ótken Syrtqy ister mınıstrlikteri arasyndaǵy konsýltasııalardyń kezekti raýndyna qatysýǵa kelgen bolatyn.
Ázirlegen Joldybaı BAZAR,
«Egemen Qazaqstan»
