Matıas Dornfeld: Bes áleýmettik bastama Germanııanyń Bauspar jobasyna uqsaıdy

Bul bastamalar elde buǵan deıin qabyl­danǵan «100 naqty qadam» Ult josparynyń jáne Prezıdenttiń bıylǵy «Tórtinshi ónerkásip­tik revolıýsııa jaǵdaıyndaǵy damý­dyń jańa múmkindikteri» atty Joldaýynda kórsetilgen 10 basym mindettiń talaptarymen sáıkes keledi.

Sonymen qatar bul bastamalar bir jaǵynan aýyl sharýa­shylyǵy salasyn damytýǵa, taby­sy tómen otbasylardy qol­daýǵa baǵyttalǵan.

Bul bastamalardy barlyq qazaq­standyqtarǵa paıda ákele­tin teńgerimdi baǵdarlama dep tanýǵa bolady. Eń aldymen, ol turǵyn úı qurylysy men ony satyp alý úshin tıimdi ne­sıelik baǵdarlama usynady. Halyq osy arqyly tıimdi múm­kin­dikterdi qoldanyp, ıaǵnı  tabysy az bolǵanymen tómen paıyzdyq mólsherleme arqa­synda ózderiniń baspana máse­lesin sheship alýyna bolady. Bul Germanııadaǵy Baýshpar (Bauspar) jobasyna uqsaıdy.

Budan bólek, tómengi jal­aqy tóleıtin sektordaǵy qyz­met­kerlerdiń josparlanǵan salyqtyq jeńildikter arqyly jalaqysyn ósirý de halyq úshin ıgi bastama bolyp tabylady. Munyń nátıjesinde eldegi eki mıllıon adamǵa qarjylyq qol­daý kórsetý júzege asyrylady. Bul ekonomıkalyq damýǵa, qarjy sektorynyń nyǵaıýyna yqpalyn tıgizedi.

Meniń oıymsha, eń mańyz­dy bastama – sapaly joǵary bi­lim­ge qoljetimdilikti arttyrý. Bul qadam jahandaný keze­ńinde Qazaq­stan ekonomıka­sy­na qa­jet­ti bilikti ǵalym­dar­­­dy qoldaý úshin óte ma­ńyz­dy. Ol, eń aldymen, ekono­mı­ka­ny sıfrlandyrý men ártaraptandyrýǵa qatysa­tyn bastaýshy ınjenerlerdi da­ıyndaýǵa arnalǵan.

Sondaı-aq Qazaqstan Prezı­dentiniń bes áleýmettik bas­tama­­synyń ishindegi tór­tinshisi kóp­tegen qazaqstan­dyqtar úshin óte qajet másele dep oı­laı­myn. О́ıtkeni bul bastama­da mıkro­kredıtteý jáne ózin-ózi jumys­pen qamtý úshin qar­jy resýrstaryn ulǵaıtý isi qamtylǵan.

Eldiń ońtústigindegi Qyzyl­orda oblysynan Astana qa­la­syna deıingi gaz quby­ry­­nyń qurylysyn salý isi de N.Nazarbaev kótergen bas­tama­lar­dyń ishindegi ma­ńyz­­­dysy dep oılaımyn. Ol Qazaq­­stan­nyń gazdandyrylýyn jedel­­­detip, birqatar qala­lar­daǵy eko­logııalyq jaǵ­daı­dyń jaq­sarýyna áser etedi.

Qoryta aıtqanda, Qazaq­stan Prezıdenti usynǵan, qazaq­­standyqtar úshin asa ma­ńyzdy bul bes áleýmettik bas­tamany ıgilikti qadam dep esepteımin.

Matıas DORNFELD,

Potsdam ýnıversıtetiniń Ortalyq Azııa jáne Ońtústik Kavkaz elderi boıynsha sarapshysy (Germanııa)