Memleket basshysy «Bul – bizdiń qoǵamnyń áleýmettik birligin nyǵaıtý úshin jigerimizdi janyp, naqty iske kirisetin sát. Biz ony aýqymdy áleýmettik jobalar arqyly júzege asyramyz», – deı kele áleýmettik órkendeýdiń baǵyt-baǵdaryn usyndy. Bastamanyń árbir baǵyty jalpy buqaranyń, onyń ishinde jastardyń múddesine saı keletin máselelerdi qamtyǵan.
Osy arada «7 – 20 – 25» áleýmettik ıpotekalyq bastamasyn erekshe atap ótkim keledi. Atalǵan baǵdarlama 25 jyl merzimge 7 paıyzdyq ósimmen beriletin qoljetimdi ıpoteka arqyly baspana alýǵa negizdelgen. Bul – jumys isteıtin jastarǵa úlken kómek. Sondaı-aq turǵyn úı qurylysyna serpin berip, jańadan jumys oryndarynyń ashylýyna yqpal etedi.
Biz kásipker áıelderdiń múddesin qorǵaıtyn uıymnyń ókili retinde myńdaǵan adamnyń, onyń ishinde aýyldyqtardyń óz isin ashýyna sebepshi bolyp kelgen shaǵyn nesıe kóleminiń kóbeıtilýine de rızalyq bildiremiz.
Sondaı-aq joǵary bilimniń sapasyn arttyrýǵa, stýdent jastardyń turmysyn túzeýge erekshe kóńil bólingendigi de qýantty.
Endi taıaý bolashaqta Elbasy bastamalarynyń tıimdiligin, utymdylyǵyn Qazaqstannyń árbir azamaty sezinip jáne barsha halyqtyń ál-aýqaty artqanyna kýá bolamyz dep oılaımyn.
Raýshan SÁRSEMBAEVA,
Qazaqstannyń isker áıelderi qaýymdastyǵynyń prezıdenti,
Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi
