Sonyń biri «Arý» – jyl saıyn kóktemde Almatyda, kúzge qaraı Astanada ótetin Qazaqstandaǵy zergerlik bıznestiń mamandandyrylǵan kórmesi bolyp tabylady. 2003 jyly paıda bolyp, qazir jap-jaqsy tanylǵan «Arý» kórmesi osynyń arqasynda kúlli Ortalyq Azııadaǵy zergerlik buıymdardy kótermelep jáne bólshektep satýdyń eń tıimdi alańyna aınalyp keledi desek bolady. Ári bul jármeńke jyl saıyn zergerlik ónerdiń tańdaýly týyndylaryn satyp alýshylar men baǵalaýshylaryna erekshe buıymdardy usyna alady.
Kórme osy kásipke mashyqtanýynyń arqasynda Qazaqstan, О́zbekstan, Qyrǵyzstanda ǵana emes, shalǵaı elderdegi zergerlik bıznes salasyndaǵy mamandarynyń nazaryn ózine aýdara bastaǵan. Máselen eksponentter qataryna 2017 jyly Armenııa, Belgııa, Grýzııa, Reseı, Túrkııa, Ýkraına jáne Kongodan 125 qatysýshy engen. О́tken jyly kórmege kelýshilerdiń turaqty ósip kele jatqan sany 16 myńnan asa jeke jáne kóterme satyp alýshyny quraǵan. Bul da osy jobanyń ózektiligin dáleldeıdi.
Sondaı-aq «Arý» kórmesiniń aıasynda zergerlik buıymdardy óndirýshiler arasynda úzdik buıymdardyń baıqaýy da ótkiziledi. Bul baıqaý – zergerlik ónerkásipti damytýǵa jáne onda jumys isteıtin mamandardyń kásibı ósýine yqpal etýge baǵyttalǵan.
Ataýly syılyq boıynsha jeńimpazdar bedeldi qazylar alqasynyń ádil sheshimimen anyqtalyp, baıqaý medaldary, dıplomdarymen marapattalady. Kórmeniń úzdik ónimi – qazaqstandyq sheber zergerler shyǵarǵan «Arý» kórmesi logotıpiniń «Gran-prı» altyn jalatylǵan músinshesi tabys etiledi.
Bıylǵy kórmede «Navıgator ıývelırnoı torgovlı» jýrnalynyń bas redaktory Oksana Senatorova «Áleýmettik jeliler men messendjerlerde zergerlik bıznesti ilgeriletý» taqyrybyndaǵy semınar ótkizdi. Semınarda áleýmettik jelilerdiń erekshelikteri men tyńdarmandardyń bet-álpeti, targetıngtiń ádis-tásilderi, áleýmettik jelilerdegi jarnama túri, aqyldy taspa, jyldam remarketıng, jarnamalyq naýqandardy baǵalaýdyń dál ádisteri, tabysty better men qaýymdastyqtardy qurý erejeleri tarqatyldy.
Aınash ESALI,
«Egemen Qazaqstan».
ALMATY
