2016 jyly sanıtarlyq normaǵa saı kelmegendikten bul nysannyń esigine qara qulyp salynǵan bolatyn. Kúrdeli jóndeý jumystarynan keıin qaıta ashylǵan perzenthana taǵy da óz jumysyn toqtatty.
«20 tósekke shaqtalǵan perzenthanada ekiqabat áıelderge jan-jaqty jaǵdaı jasalǵan. Ony jabý tıimsiz», deıdi perzenthana bólimshesiniń neonatology Natalıa Pomazanova.
Perınataldyq ortalyq mamandaryna túsetin salmaqty azaıtý úshin perzenthana 2011 jyly ashylypty. Munda júkti áıelderge tek 2-shi deńgeıli kómekter kórsetiledi. Iаǵnı, patologııasy bar názikjandylar bul perzenthanada bosana almaıdy. Sebebi, nysanda jan saqtaý bólimi joq. Statıstıkalyq málimetterge súıensek, bala týý kórsetkishi tómendegendikten bul kereýetterdiń ózi keıde bos turatyn kórinedi.
№ 3-shi qalalyq aýrýhananyń bas dárigeri Erjan Ábýǵalıevtyń aıtýynsha ortasha eseppen perzenthanada kúnine 3-4 náreste dúnıege keledi. Iаǵnı, jylyna 1200 sábı týady degen sóz . Bul normadan 3-4 ese az. Sondyqtan, mekemeniń qurylymyn ózgertý úshin osyndaı shara qoldanýǵa týra kelgen. Buǵan qosa, munda jumys isteıtin mamandardyń basym bóligi perınataldyq ortalyqtiki.
Ǵımarattyń perzenthana ornalasqan qabatynda ońaltý ortalyǵy qurylady. О́ıtkeni mundaı qyzmet kórsetetin mekeme qalada joq.
«2017 jyly perzenthanaǵa 106 mılıon tenge kóleminde qarajat jumsaldy. Onyń 84 mıllıony ǵana ózin-ózi aqtady. Kereýetter bos bolǵandyqtan, qarjynyń 21 paıyzy bosqa shyǵyndaldy. Bıýdjetten bólingen bul qarajatty basqa mqsattarǵa jumsaımyz»,deıdi densaýlyq saqtaý basqarmasy basshysynyń orynbasary Dáýrenbek Beısembaev.
Quzyrly organ mamandary perzenthananyń jabylýynan júkti áıelderge kórsetiletin qyzmettiń sapasy tómendemeıtinine, 160-tan astam kereýeti bar perınataldyq ortalyq suranysty tolyq aqtaıtynyna sendirip otyr.
О́mir Esqalı,
«Egemen Qazaqstan».
Soltústik Qazaqstan oblysy.
