Onyń aıtýynsha, bıyl qalada «Turǵyn úı qurylys jınaq banki» AQ arqyly jastardy jeńildetilgen baspanamen qamtý jobasy boıynsha alǵashqy qadamdar bastaldy.
«Jol kartasy aıasynda Almaty qalasynyń stýdentterine 2020 jylǵa deıin 20 jańa jataqhana salý josparlandy. Olardyń 5-iniń qurylysy bıyl jeltoqsanǵa deıin aıaqtalatyn bolady. Iаǵnı, jastarǵa qosymsha 2 500 oryn bólinedi», - dedi Shyńǵys Beskempirov. Basqarma basshysy «Almaty jastary» jobasynyń taǵy bir artyqshylyǵy týraly aıtyp ótti. «Bıyl «Almaty jastary» baǵdarlamasyna 35 jasqa deıingi azamattar da qatysatyn boldy.
Halyqtyń áleýmettik turǵydan az qamtylǵan kópbalaly otbasy, 1-shi jáne 2-shi toptaǵy múgedekter, tolyq emes otbasy jáne jetimderge biraz jeńildik sharalary qarastyrylǵan. 10 mln. teńgege deıingi nesıeler jylyna 5% ósimmen beriletin bolady. Jyl aıaǵynda «Almaty jastary» jobasy boıynsha 100 jas otbasy jańa qonys ıesi atanady»,-dedi Shyńǵys Beskempirov.
