Álemniń úshinshi raketkasy, adýyndy Marın Chılıch otandasymyzdy ońaı utty desek artyq emes. Árıne, 21 jasar jas tennısshige joǵarǵy deńgeıdegi sheberge qarsy turý ońaıǵa soqpady. Alǵashqy sette esep 6:2 boldy. Alaıda, alǵashqy 5 geımge deıin qos qarsylas terezesi teń oınap keldi. Odan keıin basymdylyqty qolyna alǵan Chılıch óz jankúıerleriniń aldynda jelpinip ketti. Qatarynan 9 geımde jeńiske jetip, esep aıyrmasyn jaqsartyp aldy. Ekinshi sette esep 6:1 bolsa, úshinshisinde 6:2 bolyp tirkeldi. Match boıy 10 eıs jasaǵan horvatııalyq jalpy eseptegende 98 ret upaı enshiledi. Matchta bolǵan 23 geımniń 18-in utty.
Endigi oıyn Borna Chorıch pen Mıhaıl Kýkýshkın arasynda ótpek.
Ermuhamed Máýlen,
Horvatııa.
