Is-sharaǵa Qosylmaý qozǵalysyna qatysatyn, sondaı-aq Qozǵalys janyndaǵy baıqaýshylar mártebesin ıe 91 memleket pen halyqaralyq uıymdardan, qurmetti qonaqtar retinde shaqyrylǵan elder men uıymdardyń qatarynan 800-den astam ókilder qatysty.
Qazaqstan delegasııasynyń basshysy óz sózinde Qosylmaý qozǵalysynyń aýqymdy kún tártibiniń mańyzdylyǵy men ózektiligin, sondaı-aq Qazaqstannyń ustanymdary qozǵalystyń kóptegen maqsattary men mindetterine sáıkes keletinin atap ótti. Mınıstrdiń orynbasary E. Ashyqbaev Qosylmaý qozǵalysynyń basty qaǵıdalaryna aıtarlyqtaı úılesetin jáne saı keletin jappaı qyryp-joıý qarýyn taratpaý jáne halyqaralyq qaýipsizdikti kúsheıtý salalaryndaǵy Qazaqstan Prezıdenti Nursultan Nazarbaevtyń negizgi bitimgershilik jáne antııadrolyq bastamalaryna nazar aýdardy. Sonymen qatar Qazaqstandyq dıplomat uzaq merzimdi turaqtylyqty qamtamasyz etýdiń kepili bolyp tabylatyn dinaralyq jáne mádenıetaralyq dıalogtyń damýyna, turaqty damýdyń maqsattaryna jetýine, áleýmettik-ekonomıkalyq turaqty damýyna degen Qazaqstannyń berik ustanymyn atap ótti.
Qosylmaý qozǵalysynyń negizgi maqsaty – Halyqaralyq quqyq ústemdiligi negizinde álemdegi beıbitshilik, qaýipsizdik jáne damýǵa járdemdesý bolyp tabylady. Qazaqstan BUU jáne basqa da kópjaqty qurylymdar sheńberinde jáne ekijaqty formatta da Qozǵalystyń barlyq múshelerimen aýqymdy kún tártibi boıynsha tyǵyz qyzmet isteýde.
