Olaı deıtinimiz, «Nurly jer» memlekettik baǵdarlamasy sheńberinde aýdanda kópqabatty 7 turǵyn úıdiń qurylysy júrgizilýde. Oǵan qazynadan jalpy 2 mlrd. 600 mıllıon teńgeden astam qarjy bólingen. Turǵyn úıler aýdannyń T. Rysqulov jáne Sastóbe aýylynda salynýda. Bul eldi mekenderde búginde 32 myńǵa jýyq halyq turady.
T.Rysqulov aýylynda kópqabatty 5 turǵyn úı, al Sastóbe poselkesinde 32 páterlik eki turǵyn úıdiń qurylys jumystaryn 2018 jyldyń sońy men 2019 jyldyń basynda aıaqtap, paıdalanýǵa berý josparlanǵan. Nátıjesinde 320 otbasy baspanaly bolyp, qonys toıyn toılamaq. Sondaı-aq turǵyn úı qurylysymen birge sol aımaqtyń ınjenerlik-kommýnıkasııalyq ınfraqurylymy da júrgizilýde.
Aıta ketelik, bıyl oblysta «Nurly jer» baǵdarlamasy aıasynda jalpy aýmaǵy 730 myń sharshy metr bolatyn, 6615 páterdi el ıgiligine tapsyrý josparlanǵan. Qazirgi tańda 236 kópqabatty úı salynyp jatyr.
Erkin DOSYMBAI,
Ońtústik Qazaqstan oblysy.
