Sınoptıkterdiń habarlaýynsha, atmosferalyq frontaldy bólikterdiń ótýine baılanysty Qazaqstannyń basym bóliginde jańbyr jaýady. Tek eldiń ońtústik-batysynda ǵana jaýyn jaýmaıdy. Keı jerlerge tuman túsip, kóktaıǵaq bolyp, jel kúsheıedi, ońtústik-shyǵysta kún kúrkireıdi, burshaq jaýýy da yqtımal.
Jambyl, Ońtústik Qazaqstan oblystarynda jel sekýndyna 15-20 metrge jetedi, túnde tuman túsedi.
Ońtústik Qazaqstan oblysynda túnde 2 gradýsqa deıin úsik júrýi múmkin.
Qyzylorda oblysynda tuman túsip, jeldiń jyldamdyǵy sekýndyna15-20 metrge deıin jetip, shańdy daýyl turýy yqtımal, túnde úsik júredi (2 gradýs).
Almaty oblysynyń keı jerlerinde kún kúrkirep, burshaq jaýýy múmkin, jeldiń jyldamdyǵy sekýndyna 15-23 metr bolady.
Aqmola, Qaraǵandy, Shyǵys Qazaqstan, kúndiz Soltústik Qazaqstan, Qostanaı, Pavlodar oblystarynda jeldiń kúshi sekýndyna 15-20 metrge jetedi. Tuman túsip, kóktaıǵaq bolýy da yqtımal.
Aqtóbe, kúndiz Batys Qazaqstan, oblystarynda jyldamdyǵy 15-20 metr/sekýnd bolatyn jel turady, tuman túsedi. Mańǵystaý oblysyna tuman túsedi. Kúndiz Atyraý oblysynda jeldiń kúshi sekýndyna 15-20 metrge jetedi.
