Sharaǵa Qazaqstan Respýblıkasynyń «Atameken» ulttyq kásipkerler palatasy Prezıdıýmynyń tóraǵasy Tımýr Qulybaev, Mańǵystaý oblysynyń ákimi Eraly Toǵjanov, qala men aýdan ákimderi, kásipkerler qoǵamdyq birlestikteriniń, ekinshi deńgeıli bankterdiń, qarjy ınstıtýttarynyń ókilderi qatysty.
Elbasy Nursultan Nazarbaevtyń «Bes áleýmettik bastamasynyń» biri - shaǵyn nesıeni keńeıtý. Memleket basshysy bul bastamanyń myńdaǵan adamǵa óz bıznesin ashýǵa múmkindik beretinin atap ótti. Mańǵystaý oblysyndaǵy Elbasy tapsyrmalaryn iske asyrý jáne qoldaý maqsatynda shaǵyn jáne orta bıznes nesıelerin jylyna 1% beretin «Nur Kapital» baǵdarlamasy iske qosyldy. Bul jobany Memleket basshysy qoldap, maquldady.
«Biz halyqtyń qoǵamdyq sana-sezimin jańǵyrtý úshin shaǵyn jáne orta bıznesti damytýǵa naqty jaǵdaı týǵyzý mindetin qoıdyq. Qazirgi ýaqytta jalpy nesıe portfeli 2,7 mlrd. teńgeni quraıdy (onyń ishinde jergilikti bıýdjetten 900 mln. teńge, «Damý» qorynan 1,800 mln. teńge). Búgingi tańda «Qazaqstan Halyq Banki» AQ Mańǵystaý oblystyq fılıalymen (400 mln. teńge), «Qazaqstan Halyq Banki» AQ-nyń Jańaózen óńirlik fılıalymen (400 mln. teńge) jáne «ForteBank» AQ (322 mln. teńge), «Sberbank Rossıı» AQ EB (150 mln. teńge) kelisimge qol qoıyldy. Sondaı-aq, osy baǵdarlamaǵa qatysý úshin «Bank SentrKredıt» AQ jáne «Atameken Mıkrofınans» JShS ótinimderin berdi»,- dedi Mańǵystaý oblysynyń ákimi Eraly Toǵjanov.
«Nur Kapital» baǵdarlamasyna qatysqysy keletin barlyq kásipker qajetti qujattardy daıyndaý jáne jınaýmen aınalysatyn Jańaózen qalasyndaǵy jáne oblystaǵy bıznes-bólimshelerge óz ótinimderimen júgine alady. Sondaı-aq, kásipker barlyq qajetti qujatty ekinshi deńgeıli bankterge tapsyryp, maquldanǵan soń bankpen birlesip, sýbsıdııa alý úshin qujattardy oblystyq úılestirý keńesine jiberedi.
Aımaqtyq úılestirý keńesi árbir aýdan úshin mańyzdy dep tanylǵan jobalardy qarastyrady. «Qazirgi tańda oblystaǵy qalalar men aýdandar ákimdikterinde 2 mlrd. teńgeden astam qarjyǵa kásipkerler tarapynan 192 ótinim kelip tústi. Olardyń 35% mal sharýashylyǵy sektorynda, óńdeý, jeńil ónerkásip - 22%, týrızm - 16%, kólik jáne qoıma - 8%, ósimdik sharýashylyǵy - 5%, densaýlyq saqtaý - 5%, qyzmet kórsetý - 3%, bilim berý - 3%, tamaqtaný qyzmetteri - 1%, kóterme jáne bólshek saýda - 1%, ınvestısııalar - 0,3%, óner, oıyn-saýyq jáne demalys - 0,1%», - dedi Mańǵystaý oblystyq kásipkerlik jáne saýda basqarmasynyń basshysy Venera Mustapaeva.
Kezdesý barysynda 2018 jyldyń qańtarynan bastap Mańǵystaý oblysynda júzege asyrylǵan «Kásipker bolamyn!» atty pılottyq joba tanystyryldy. Kásipkerlik negizderindegi oıyn jattyǵýlarynyń jobasy áleýmettik-bilim berýdi kózdeıdi: oqýshylar arasynda kásipkerlik sanany damytý, bıznesti júrgizý ádisteri men quraldaryn usyný. Atalmysh jobanyń bastamasy aıasynda oblystyń 12 pılottyq mektebinde 365 joǵary synyp oqýshylaryna arnalǵan 14 bıznes-trener fakýltatıvti sabaqtar ótkizedi. Sonymen qatar, bıznes-trenerler men olardyń stýdentteri arasyndaǵy konkýrs bastalyp, 150 jeńimpazǵa halyqaralyq bıznes-trenerlerdiń qatysýymen bıznes-lager uıymdastyrylady. Jeńimpazdar aımaqtyń iri kásipkerleri, «Damý» qory jáne «Atameken» Kásipkerler palatasy» granttarymen qamtamasyz etiledi.
